13 Feb,2024

မိုးညှင်း၊ ဖေဖော်ဝါရီ ၆

          ကချင်ပြည်နယ်၊ မိုးညှင်းမြို့နယ် ညောင်ကုန်းကျေးရွာရှိ ပင်ယံပွားစိုက်ပျိုးရေးနှင့် အထွေထွေလုပ်ငန်းသမဝါယမအသင်းသည် နိုင်ငံ့စီးပွားမြှင့်တင်ရေးရန်ပုံငွေမှ မတည်ပံ့ပိုးငွေ ရယူထားသော အသင်းသား ၇၅ ဦး ၏ လယ်မြေဧက ၃၆၂ ဧကတွင် ဆောင်းသီးနှံသီးထပ်အဖြစ် ဆီထွက်သီးနှံစိုက်ပျိုးထားရှိရာ အသင်းသားတောင်သူ ဒေါ်ခင်စန်းဝင်း၏ လယ်မြေများ၌ နေကြာနှင့် မြေပဲများ စိုက်ပျိုးထားရှိမှုအခြေအနေအား  မြို့နယ်သမဝါယမဦးစီးဌာန ဦးစီးအရာရှိနှင့် တာဝန်ရှိသူများက ကွင်းဆင်းကြည့်ရှုစစ်ဆေးခဲ့သည်။

          အဆိုပါအသင်းတွင် နေကြာ ၁၁၄ ဧက၊ မြေပဲ ၇၅ ဧကနှင့် ပဲပုတ် ၁၇၃ ဧက စိုက်ပျိုးထားရှိပြီး ယခုနှစ် ဧပြီလကုန်တွင် ရိတ်သိမ်းနိုင်မည်ဖြစ်ကြောင်း သိရသည်။