08 Apr,2024

တောင်ကြီး ဧပြီ ၈

          ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၊ စိုက်ပျိုးရေးကျေးရွာရှိ မြို့နယ်သမဝါယမ အသင်းစုပိုင်ခြံတွင် ဗေဒါသဘာဝမြေဩဇာထုတ်လုပ်နေမှု၊ ဖြန့်ဖြူးရောင်းချမှုနှင့် နွားမွေးမြူ ထားရှိမှုအခြေအနေများအား ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်နှင့် တာဝန်ရှိသူများက ကွင်းဆင်းကြည့်ရှုခဲ့သည်။

ထို့သို့ကွင်းဆင်းကြည့်ရှုရာတွင် ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်က အသင်းအမှုဆောင်များအား မိုးဦးရာသီတွင် သဘာဝမြေဩဇာများ အရည်အသွေးပြည့်မီစွာဖြင့် ပိုမိုထုတ်လုပ်နိုင်ရေးနှင့် ဖြန့်ဖြူးရောင်းချနိုင်ရေး၊ နွားမွေးမြူ ထားရှိမှုနှင့် နွားစာစိုက်ပျိုးထားရှိမှု အခြေအနေများကို စနစ်တကျဆောင်ရွက်ပြီး မွေးမြူရေး နှင့်ကုသရေးဦးစီးဌာနနှင့် ချိတ်ဆက်၍ အသင်းအကျိုးအမြတ်ရရှိရေး ကြိုးပမ်းဆောင်ရွက်ကြရန် မှာကြားခဲ့ကြောင်း သိရသည်။