17 May,2024

ချောင်းဆုံ မေ ၁၇

မွန်ပြည်နယ်၊ ချောင်းဆုံမြို့နယ်၌ စိုက်ပျိုးရေး၊ မွေမြူးရေးနှင့် အသေးစားထုတ်ကုန် လုပ်ငန်းများ ဖွံ့ဖြိုးတိုးတက်ရေးအတွက် သမဝါယမအသင်းသားများအား နိုင်ငံ့စီးပွားမြှင့်တင်ရေးရန်ပုံငွေမှ မတည် ပံ့ပိုးငွေကျပ်သိန်း (၁,၅၀၀) ကျော် ပေးအပ်ခြင်းအခမ်းအနားကို မေလ ၁၆ ရက်နေ့က မြို့နယ် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ကျင်းပခဲ့သည်။

အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဇော်နိုင်ဝင်းက အဖွင့်အမှာစကား ပြောကြားခဲ့ပြီး မြို့နယ်သမဝါယမဦးစီးဌာနမှ ဦးစီးမှူးက ပံ့ပိုးငွေများ ပေးအပ်ရခြင်း ရည်ရွယ်ချက်အား ရှင်းလင်းပြောကြားကာ မြို့နယ်အတွင်းရှိ လယ်ယာနှင့်အထွေထွေစီးပွားရေးလုပ်ငန်းသမဝါယမ အသင်းလီမိတက်(၄)သင်း၊ မွေးမြူးရေးနှင့်အထွေထွေစီးပွားရေးလုပ်ငန်း သမဝါယမအသင်းလီမိတက် (၁)သင်းနှင့် မျိုးစေ့ထုတ်သမဝါယမအသင်းလီမိတက်(၁)သင်း၊ စုစုပေါင်းအသင်း(၆)သင်းမှ အသင်းသား (၂၅၃)ဦးတို့အား တာဝန်ရှိသူများက ဒုတိယအကြိမ် မတည်ပံ့ပိုးငွေများ ပေးအပ်ခဲ့ကြောင်း သိရသည်။

မော်လမြိုင်သတင်းဌာနခွဲ