17 May,2024

မကွေး      မေ     ၁၇

သမဝါယမနှင့် ကျေးလက်ဖွံ့ဖြိုးရေးဝန်ကြီး ဌာန၊ မကွေးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေပြည်သူများ သန့်ရှင်းသောသောက်သုံးရေရရှိရန်ရည်ရွယ်၍ အစစမ်းကျေးရွာ၌ ရေရရှိရေးလုပ်ငန်း စတင်ဆောင်ရွက်ရန်အတွက် တာဝန်ရှိသူများက ယနေ့နံနက်ပိုင်းက ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးရာတွင် မကွေးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးမင်းဇော်ဟန် နှင့် တာဝန်ရှိသူများသည် အစစမ်းကျေးရွာ၌ ပြည်ထောင်စုရန်ပုံငွေကျပ် ၁၃ ဒသမ ၅ သန်းဖြင့် ဂါလံ ၂၄၀၀ ဆံ့ စင်မြင့်ရေစင် တည်ဆောက်ခြင်းလုပ်ငန်း စတင်ဆောင်ရွက်ရန်အတွက် ကျေးရွာသောက်သုံးရေရရှိရေးကော်မတီဝင်များနှင့်အတူ ဂါလံ ၂၄၀၀ ဆံ့ စင်မြင့်ရေစင် တည်ဆောက်ရန် မြေနေရာသတ်မှတ်ပြီး မြို့နယ်ဦးစီးမှူးက ကျေးရွာသောက်သုံးရေရရှိရေးကော်မတီဝင်များအား လုပ်ငန်းဆောင်ရွက်မည့်အခြေအနေများကို ရှင်းလင်းပြောကြားခဲ့ကြောင်း သိရသည်။

မကွေးမြို့နယ်၊ သစ်ရာကောက်ကျေးရွာအုပ်စု၊ အစစမ်းကျေးရွာ၌ ၂၀၂၄-၂၀၂၅ခုဘဏ္ဍာရေးနှစ်တွင် ပြည်ထောင်စုရန်ပုံငွေကျပ် ၁၃ ဒသမ ၅ သန်းဖြင့် ဂါလံ ၂၄၀၀ ဆံ့စင်မြင့်ရေစင်တည်ဆောက်ခြင်းလုပ်ငန်းကို မကွေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ယူဆောင်ရွက်သွားမည်ဖြစ်ပြီး လုပ်ငန်းရာနှုန်းပြည့် ပြီးစီးပါက အဆိုပါကျေးရွာရှိ အိမ်ခြေ ၂၈၀ အိမ်၊ လူ ၁၀၃၅ ဦးနှင့် ကျွဲ နွား တိရစ္ဆာန်များအတွက် သောက်သုံးရေလုံလောက်စွာရရှိမည်ဖြစ်ကြောင်း မကွေးမြို့နယ်ဦးစီးမှူး ဦးမင်းဇော်ဟန်ထံမှ သိရသည်။