28 Jun,2024

တောင်ကြီး ဇွန် ၂၈

ရှမ်းပြည်နယ်၊ တောင်ကြီးခရိုင်၊ ပင်လောင်းနှင့်ဖယ်ခုံမြို့နယ်တို့ရှိ သမဝါယမလုပ်ငန်းများ ဆောင်ရွက်နေမှုအခြေအနေများကို ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့် နှင့်တာဝန်ရှိသူများက ကွင်းဆင်းဆောင်ရွက်ခဲ့သည်။ ထိုသို့ဆောင်ရွက်ရာတွင် မြို့နယ်သမဝါယမ ဦးစီးဌာနများမှ ဝန်ထမ်းများနှင့်တွေ့ဆုံခဲ့ပြီး သက်ဆိုင်ရာမြို့နယ်များရှိ တာဝန်ရှိသူများက မိမိတို့လုပ်ငန်း ဆောင်ရွက်နေမှုအခြေအနေများကို အသီးသီးတင်ပြခဲ့ကြရာ ညွှန်ကြားရေးမှူး ဦးကျော်မိုးတင့်က လိုအပ်သည်များ ရှင်းလင်းဆောင်ရွက်ပေးခဲ့သည်။  

 ဆက်လက်ပြီး ပင်လောင်းမြို့နယ်သမဝါယမအသင်းစု၌ အသင်းအမှုဆောင်များနှင့်တွေ့ဆုံ၍ အသင်းလုပ်ငန်းများဆောင်ရွက်နေမှုနှင့် သမဝါယမအသင်းစုပိုင် မြရတနာတည်းခိုခန်းဖွင့်လှစ်ထားရှိမှု၊ စာရေးကိရိယာနှင့်လူသုံးကုန်ပစ္စည်းရောင်းချနေသည့်သမဝါယမအသင်းဆိုင်များ ဖွင့်လှစ်ရောင်းချနေမှု တို့အား ကြည့်ရှု၍ သက်သာသောစျေးနှုန်းဖြင့် အသင်းသားပြည်သူများသို့ ရောင်းချပေးရန်နှင့် ရေရှည်ဖွံ့ဖြိုးတိုးတက်ရေး အလေးထားဆောင်ရွက်သွားရန် မှာကြားခဲ့ကြောင်း သိရသည်။