01 Jul,2024

သာစည် ဇူလိုင် ၁

            (၁၀၂) နှစ်ပြည့် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုသောအားဖြင့် ဇွန် ၂၉ ရက်က မန္တလေးတိုင်းဒေသကြီး သာစည်မြို့နယ် ညောင်ရမ်းကျေးရွာမြို့မအုပ်စုရှိ ရွှေညာမြေ လယ်ယာနှင့်အထွေထွေစီးပွားရေးလုပ်ငန်းသမဝါယမအသင်းက စိုက်ပျိုးရေးသွင်းအားစု အရောင်း ဆိုင်ဖွင့်လှစ်ခဲ့ကြောင်း သိရသည်။

ရှေးဦးစွာ တိုင်းဒေသကြီးသမဝါယမဦးစီးဌာနမှ လက်ထောက်ညွှန်ကြားရေးမှူး ဦးလှိုင်မိုး၊ သာစည်မြို့နယ် သမဝါယမဦးစီးဌာနမှ ဦးစီးအရာရှိဦးညီညီဝင်းနှင့် ညောင်ရမ်းကျေးရွာ မြို့မအုပ်စု အုပ်ချုပ်ရေးမှူး ဦးထွန်းထွန်းမြင့်တို့က သွင်းအားစုအရောင်းဆိုင်အား ဖဲကြိုးဖြတ်ဖွင့်လှစ်ပေး သည်။ ဆက်လက်ပြီး အခမ်းအနားကိုကျင်းပရာ လက်ထောက်ညွှန်ကြားရေးမှူးက အမှာစကား ပြောကြားပြီး ဦးစီးအရာရှိက အသင်းစဉ်ဆက်မပြတ်ဖွံ့ဖြိုးတိုးတက်ရေးလုပ်ငန်းများနှင့် ပတ်သက် ၍ ဆွေးနွေးခဲ့ကြောင်းသိရသည်။

အဆိုပါ စိုက်ပျိုးရေးသွင်းအားစုအရောင်းဆိုင်ဖွင့်ပွဲသို့ တိုင်းဒေသကြီးနှင့် မြို့နယ် သမဝါယမဦးစီးဌာနတို့မှ ဝန်ထမ်းများ၊ အသင်းအမှုဆောင်များနှင့်အသင်းသားများ တက်ရောက်ခဲ့ ကြောင်း သိရသည်။

မြို့နယ်ပြန်/ဆက်

မန္တလေးတိုင်းဒေသကြီး