25 Aug,2024

ပေါင်းတည် သြဂုတ် ၂၃

ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်၌ သမဝါယမအသင်းသား တောင်သူများ၏ မိုးစပါးစိုက်ခင်းများအား မြို့နယ်သမဝါယမဦးစီးဌာနမှ တာဝန်ရှိသူများ ကွင်းဆင်းကြည့်ရှုခဲ့ကြကြောင်း သိရသည်။

ထိုသို့ကွင်းဆင်းဆောင်ရွက်ရာ၌ သမဝါယမဦးစီးဌာန၊ မြို့နယ်ဦးစီးမှူး ဦးစီးအရာရှိ ဒေါ်အေးအေးခိုင်နှင့်ဝန်ထမ်းများ၊ သမဝါယမအသင်းစုမှတာဝန်ရှိသူများက ညောင်ဖြူကျေးရွာ အုပ်စု၊ ရွှေညောင်ဖြူစိုက်ပျိုးရေးနှင့် အထွေထွေသမဝါယမမှအသင်းသား တောင်သူဦးမောင်စန်း ၏ စိုက်ခင်းများမှ ရက် ၇၀ သက်တမ်းရှိနေပြီဖြစ်သော ရတနာတိုးမိုးစပါးများ ဖြစ်ထွန်းအောင်မြင် နေမှုကို ကြည့်ရှုအားပေးကြသည်။

၂၀၂၄-၂၀၂၅ ဘဏ္ဍာရေးနှစ်တွင် ပေါင်းတည်မြို့နယ်သမဝါယမဦးစီးဌာနသည် နိုင်ငံ့စီးပွား မြှင့်တင်ရေးရန်ပုံငွေဖြင့် မိုးစပါးစိုက်ပျိုးထုတ်လုပ်ရန် တစ်ဧကလျှင်ငွေကျပ်နှစ်သိန်းနှင့်ညီမျှ သော သွင်းအားစုများကို အခြေခံသမဝါယမအသင်း ၁၆ သင်း၊ အသင်းသားတောင်သူ ၅၀ ဦး စိုက်ပျိုးထားသော ဧက ၁၀၀၀ အတွက် ငွေကျပ်သိန်းနှစ်ထောင်ကို ပံ့ပိုးကူညီကာ မိုးစပါး ပန်းတိုင်အထွက်နှုန်းပြည့်မီကျော်လွန်ရေးအတွက် မြို့နယ်သမဝါမဦးစီးဌာနက တောင်သူများ အား ဖြည့်ဆည်းဆောင်ရွက်ပေးခဲ့ကြောင်း သိရသည်။

ရွှေသား(ပြန်/ဆက်)

 ပဲခူးတိုင်းဒေသကြီး