15 Oct,2024

မြောင်းမြ အောက်တိုဘာ ၁၄

          ဧရာဝတီတိုင်းဒေသကြီး၊ မြောင်းမြမြို့နယ်ရှိ  မြမျိုးသန့်မျိုးစေ့ထုတ်သမဝါယမအသင်းမှ အသင်းသား ၃၀ ဦး၏ မိုးစပါးစုစုပေါင်းစိုက်ဧက ၁၄၀ ပေါ်တွင် ဆင်းသုခ၊ ဧရာမင်းနှင့် ပေါ်ဆန်းရင် စပါးများ စိုက်ပျိုးထားရှိပြီး အဆိုပါစိုက်ဧကများအနက် ၅၀ ဧကအတွက် တိုင်းဒေသ ကြီးနိုင်ငံ့စီးပွားမြှင့်တင်ရေးရန်ပုံငွေမှ တစ်ဧကလျှင် ငွေကျပ် ၅ သိန်းနှုန်းဖြင့် စုစုပေါင်းငွေကျပ် ၂၅ သန်းကိုလည်းကောင်း၊ စိုက်ဧက ၉၀ ဧကအတွက် ပြည်ထောင်စုဘတ်ဂျက်ဖြင့် လူမှုစီးပွားမြှင့်တင် ရေးစီမံကိန်းရန်ပုံငွေမှ တစ်ဧကလျှင် ငွေကျပ် နှစ်သိန်းနှုန်းဖြင့် စုစုပေါင်းတန်ဖိုးငွေကျပ် ၁၈ သန်း နှင့်ညီမျှသောကွန်ပေါင်း (၁၅း၁၅း၁၅)၊ အာမို(ပုလဲ)၊ ပိုးသတ်ဆေး၊ သဘာဝမြေဩဇာ (ဂျစ်ဆန်) စသည့် သွင်းအားစုများကိုလည်းကောင်း ပံ့ပိုးပေးခဲ့ကြောင်း သိရသည်။