18 Nov,2024

တောင်ကြီး နိုဝင်ဘာ ၁၄

          ရှမ်းပြည်နယ်(တောင်ပိုင်း)၊ တောင်ကြီးမြို့ သံတဲကျေးရွာအုပ်စု ရွှေသံတဲစိုက်ပျိုးရေးနှင့် အထွေထွေစီးပွားရေးသမဝါယမအသင်းရှိ အသင်းသားပိုင်ယာမြေများတွင် ဆီနေကြာစိုက်ပျိုးနိုင်ရေးနှင့် ပြောင်းမျိုးစေ့ထုတ်လုပ်ငန်းဆောင်ရွက်မည့်အခြေအနေများ၊ ညောင်ရွှေမြို့နယ် တိလောကျေးရွာ၊ လွယ်မောကျေးရွာ၊ မိုင်းပျိုးကျေးရွာနှင့် မိုင်းသောက်ကျေးရွာတို့ရှိ သမဝါယမအသင်းသားပိုင်လယ်ယာ မြေများတွင် ဆီနေကြာစိုက်ပျိုးနိုင်ရေးနှင့် ရုရှားဆေးမြေသြဇာအသုံးပြုနေသော သီးနှံစိုက်ခင်းများသို့ ရှမ်းပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်က မြို့နယ်အတွင်းရှိ တာဝန်ရှိသူများ နှင့်အတူ ကွင်းဆင်းဆောင်ရွက်ခဲ့သည်။

          ထိုသို့ဆောင်ရွက်ရာတွင် ရှမ်းပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်က သမဝါယမအသင်းအချင်းချင်းချိတ်ဆက်၍ ပူးပေါင်းဆောင်ရွက်ကြရန်နှင့် မျိုးစေ့မြေသြဇာရရှိနိုင်ရေး ဆောင်ရွက်မည့်အခြေအနေများကို မှာကြားခဲ့ကြောင်း သိရသည်။