08 Jan,2025

လှည်းကူး ဇန်နဝါရီ ၈

ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်တွင် နိုင်ငံ့စီးပွားမြှင့်တင်ရေးရန်ပုံ ငွေမှ ပံ့ပိုးချေးငွေဖြင့် နွေစပါးစိုက်ပျိုးမည့် သမဝါယမအသင်းသားတောင်သူများအား သွင်းအားစု များ ပေးအပ်ပွဲကို ယမန်နေ့နံနက်ပိုင်းက သနပ်ပြင်ကျေးရွာအုပ်ချုပ်ရေးမှူးရုံး၌ ကျင်းပသည်။

ထိုသို့ပေးအပ်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးရဲထွန်းနောင်က နိုင်ငံတော် ဝန်ကြီးချုပ်၏လမ်းညွှန်မှာကြားချက်ဖြစ်သော နိုင်ငံ့စီးပွားရေးအခြေအနေကောင်းများ ဖန်တီးနိုင်မှ သာ နိုင်ငံဖွံ့ဖြိုးတိုးတက်အောင်ဆောင်ရွက်နိုင်မည်ဆိုသည့်မူဝါဒနှင့်အညီ တောင်သူများလူမှုစီးပွား ဘဝ ဖွံ့ဖြိုးတိုးတက်ရေးနှင့် တစ်ဦးချင်းဝင်ငွေတိုးတက်စေရေးအတွက် လုပ်ငန်းအကောင် အထည် ဖော်ဆောင်ရွက်ရန် နိုင်ငံ့စီးပွားရေးမြှင့်တင်ရေးရန်ပုံငွေထူထောင်၍ လယ်ယာစိုက်ပျိုးသည့် တောင်သူများ အထွက်နှုန်းတိုးစေရေး၊ ပန်းတိုင်ရည်မှန်းချက်ပြည့်မှီစေရေးအတွက် သွင်းအားစုများ ထောက်ပံ့ပေးအပ်ခြင်းဖြစ်ကြောင်း တောင်သူများအား ပြောကြားသည်။

ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးရဲထွန်းနောင်၊ မြို့နယ်သမဝါယမဦးစီးဌာန၊ ဦးစီးအရာရှိဒေါ်မြင့်မြင့်ဆွေနှင့်ဝန်ထမ်းများက သနပ်ပြင်ကျေးရွာရှိ နွေစပါးစိုက်ပျိုးမည့် သမဝါယမ အသင်းသားတောင်သူများအား သြဘာ(စင်္ကြာ)ယူရီးယားနှင့် ဩဘာ(၁၅ပတ်လည်) ကွန်ပေါင်း ဓာတ်မြေသြဇာသွင်းအားစုများကို တောင်သူများလက်ဝယ်အရောက်ပေးခဲ့ကြောင်း သိရှိရသည်။

အေးအေးနွဲ့ ( ပြန် / ဆက် )

ရန်ကုန်တိုင်းဒေသကြီး