11 Jan,2025

ညောင်လေးပင် ၊ ဇန်နဝါရီ ၁၁

ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင်မြို့နယ်တွင် သမဝါယမကဏ္ဍမှ ဆီထွက်သီးနှံ (နေကြာ) အား သမဝါယမအသင်း ၆ သင်း၊ အသင်းသား ၅၇ ဦး၊ စိုက်ဧက ၁၅၀ တွင် အကောင်အထည်ဖော်ဆောင်ရွက်လျက်ရှိရာ ရဲနွယ်စိုက်ပျိုးထုတ်လုပ်ရေးသမဝါယမအသင်းအနေ ဖြင့် နေကြာစံပြစိုက်ခင်း ၁၀ ဧက စိုက်ပျိုးထားရှိသည်။

အဆိုပါနေကြာစံပြစိုက်ခင်းများမှ နေကြာပင်များကို ရရှားသဘာဝမြေဩဇာများ ပက်ဖျန်း ခြင်းနှင့် လိုအပ်သော ကြားပေါင်းလိုက်ခြင်း၊ အပင်သားခွဲခြင်းများ ဆောင်ရွက်ပေးလျက်ရှိရာ နေကြာစံပြစိုက်ခင်းအတွက် လိုအပ်သည်များ ဆက်လက်ဆောင်ရွက်နိုင်ရန် မြို့နယ်သမဝါယမဦးစီး ဌာနနှင့် မြို့နယ်သမဝါယမအသင်းစုမှ တာဝန်ရှိသူများသည် စိုက်ပျိုးရေးဦးစီးဌာနနှင့်ပေါင်းစပ်၍ ကွင်းဆင်းဆောင်ရွက်ခဲ့ကြောင်း သိရသည်။