သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
(ဋ) မြစိမ်းရောင်ကျေးရွာစီမံကိန်းအကောင်အထည်ဖော်ဆောင်ရွက်မှု
မြစိမ်းရောင် ကျေးရွာစီမံကိန်းကို ၂၀၂၅-၂၀၂၆ ဘဏ္ဍာနှစ်တွင် တိုင်းဒေသကြီး/ ပြည်နယ် (၈)ခု၌ စီမံကိန်းကျေးရွာယူနစ် (၃၅)ယူနစ် ဆောင်ရွက်ရန်လျာထားခဲ့ပြီး (၃၁)ယူနစ်မှာ (၁၀၀%) ဆောင်ရွက်ပြီးဖြစ်ပါသည်။ ကျန် (၄) ယူနစ်ကို မူလလျာထားငွေအတွင်း Type အမျိုးအစား ပြောင်းလဲ၍ (၅)ယူနစ် ခွဲဝေခွင့်ပြုခဲ့သဖြင့် စီမံကိန်း လုပ်ငန်းစဉ်များအတိုင်း ဆောင်ရွက် လျက်ရှိပါသည်။
ဖြည့်စွက်ရန်ပုံငွေဖြင့် စီမံကိန်းတိုးချဲ့ဆောင်ရွက်ရန်အတွက် တိုင်းဒေသကြီး/ ပြည်နယ် (၈)ခု၊ ကျေးရွာယူနစ် (၆၈)ယူနစ်အား ထပ်မံလျာထားခဲ့ရာ စီမံကိန်း မိတ်ဆက်ရှင်းလင်းခြင်း၊ ကျေးရွာ လုပ်ငန်းအဖွဲ့ ဖွဲ့စည်းခြင်း၊ ကျေးရွာလုပ်ငန်း အဖွဲ့ဝင်များအား သင်တန်းပို့ချခြင်း၊ ကျေးရွာစာရင်းရှင် ဖွင့်လှစ်ခြင်း၊ ရန်ပုံငွေ လွှဲပြောင်းခြင်းစသည့် စီမံကိန်းလုပ်ငန်းစဉ်များ ဆောင်ရွက်လျက်ရှိပြီး အစီရင်ခံသည့် ကာလတွင် ကျေးရွာယူနစ် (၅၀)ယူနစ်အား ချေးငွေထုတ်ချေးပြီးဖြစ်ပြီး လုပ်ငန်း ပြီးစီးမှုရာခိုင်နှုန်းမှာ (၉၁.၆၂%) ဖြစ်ပါသည်။