19 Apr,2022

               ဧရာဝတီတိုင်းဒေသကြီး၊ ဝါးခယ်မမြို့နယ် ကြခတ်ကုန်းကျေးရွာရှိ တိုးပွားအောင် စိုက်ပျိုးထုတ်လုပ်ရေးသမဝါယမအသင်းလီမိတက်သည် အသင်းသားတောင်သူများပိုင်ဆိုင်သော လယ်မြေများမှ စိုက်ပျိုးထွက်ရှိသည့် မြေပဲနှင့်နေကြာများကို ဝယ်ယူ၍ ဆီကြိတ်ခွဲစက်ဖြင့် ကြိတ်ခွဲဖြန့်ဖြူးရောင်းချရေးလုပ်ငန်းများကို ဆောင်ရွက်လျက်ရှိသည်။

              အသင်း၏ ဆီကြိတ်ခွဲစက်မှ တစ်နေ့လျှင် မြေပဲတင်း ၁၀၀ မှ ၁၅၀ ထိ ကြိတ်ခွဲနိုင်ပြီး မြေပဲဆီပိဿာချိန် ၂၀ မှ ၂၅ ထိ ထွက်ရှိ၍  နေကြာတင်း ၁၀၀ ကြိတ်ခွဲပါက နေကြာဆီပိဿာချိန် ၃၀ ထွက်ရှိကာ ဆီ ၅ ပိဿာနှင့် ၁၀ ပိဿာဘူးများဖြင့် မြို့နယ်အတွင်းသို့ လက်ကားစနစ်ဖြင့် ဖြန့်ဖြူးရောင်းချလျက်ရှိသည်။  

              ထို့ပြင် အသင်းလုပ်ငန်းခွဲများအနေဖြင့် လယ်ယာမြေအဆင့်မြှင့်တင်ပြုပြင်ခြင်း၊ မျိုးသန့်မျိုးစေ့ထုတ်လုပ်ငန်းများဆောင်ရွက်ခြင်း၊ စက်ချုပ်သင်တန်းဖွင့်၍ အသင်းသားပြည်သူ များ အသက်မွေးဝမ်းကျောင်းပညာတတ်မြောက်စေရန်နှင့် အပ်ချုပ်စက်နှင့် ဆက်စပ်ပစ္စည်း အရောင်းဆိုင်ဖွင့်လှစ်ခြင်းလုပ်ငန်းများကိုလည်း လုပ်ကိုင်လျက်ရှိရာ အသင်းသားပြည်သူများ  အလုပ်အကိုင်အခွင့်အလန်းများရရှိစေရန်နှင့်  ဒေသတွင်းစားသုံးဆီများ ဖူလုံမှုရရှိစေရန်အတွက် ရည်ရွယ်၍ သမဝါယမကဏ္ဍမှ ဆောင်ရွက်လျက်ရှိကြောင်း သိရသည်။