01 Jan,1970

မိုင်းဖြတ်မြို့နယ်၊ အိုက်ရီ(ပါခုံ) ကျေးရွာ အပိုင်း(၁) ကုန်ထုတ်လမ်း ဖောက်လုပ် ဆောင်ရွက် ပြီးစီးမှု ကွင်းဆင်း

မိုင်းဖြတ် ဖေဖော်ဝါရီ ၃

          ရှမ်းပြည်နယ် (အရှေ့ပိုင်း)၊ တာချီလိတ်ခရိုင်၊ မိုင်းဖြတ် မြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ စိုက်ပျိုးမွေးမြူရေး လုပ်ငန်းများ၏ ထုတ်ကုန်၊ ထွက်ကုန်များ ဈေးကွက်သို့ အချိန်မီတင်ပို့ရောင်းချနိုင်စေရန် ရည်ရွယ်၍၂၀၂၄-၂၀၂၅ခု ဘဏ္ဍာရေးနှစ်တွင်  အိုက်ရီ(ပါခုံ) ကျေးရွာ  အပိုင်း(၁) ကုန်ထုတ်လမ်း ဖောက်လုပ်ဆောင်ရွက်ပြီးစီးမှု  အခြေအနေများကို   ဖေဖော်ဝါရီ ၃ ရက်နေ့ နေ့လည်ပိုင်းက တာဝန်ရှိသူများမှ ကွင်းဆင်းစစ်ဆေးခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးရာတွင် ရှမ်းပြည်နယ် (အရှေ့ပိုင်း) ကျေးလက်ဒေသဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူး (နည်းပညာ) ဦးကျော်သန့်ဇင်၊ မိုင်းဖြတ် မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဦးစီးအရာရှိ ဒေါ်ဇင်မာဦး နှင့် မြို့နယ်တာဝန်ခံ အင်ဂျင်နီယာ များက အိုက်ရီ(ပါခုံ) အပိုင်း(၁) ၊ ကျေးရွာကုန်ထုတ်လမ်းဖောက်လုပ် ဆောင်ရွက်ပြီးစီးမှု အခြေ အနေများကို ကြည့်ရှု စစ်ဆေးပြီး ဒုတိယညွှန်ကြားရေးမှူး (နည်းပညာ) ဦးကျော်သန့်ဇင် က ဆောင်ရွက်ပြီး ဖွံ့ဖြိုးရေးလုပ်ငန်းများကို ရေရှည်တည်တံ့ခိုင်မြဲအောင် ဝိုင်းဝန်းထိမ်းသိန်း ဆောင်ရွက်သွားကြရန် မှာကြားခဲ့ ပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။

          မိုင်းဖြတ် မြို့နယ်၊ အိုက်ရီ(ပါခုံ) ကျေးရွာ၌ အရှည် ၁ မိုင် ၊ အကျယ် ၁၂ ပေ၊ အမြင့် ၁ ပေ ၉ လက်မ မြေသားလမ်းဖောက်လုပ်ခြင်း လုပ်ငန်းကို   ပြည်ထောင်စုခွင့်ပြုရန်ပုံငွေ ၂၃ ဒသမ ၄ သန်း ဖြင့် ရွှေကန်ညီအကို  ကုမ္ပဏီမှ ယခု နှစ် ဇွန် လ ၃၀ ရက်နေ့က တာဝန်ယူဆောင်ရွက်လျက်ရှိရာ ယခုအခါ လုပ်ငန်းများအားလုံး ရာခိုင်နှုန်း ပြည့် ဆောင်ရွက်ပြီးစီးပြီ ဖြစ်ပါကြောင်း  မိုင်းဖြတ်မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီး ဌာနမှ ဦးစီးအရာရှိ ဒေါ်ဇင်မာဦး  ထံမှ သိရှိရသည်။

             ဇင်မာ