20 May,2022

ပဲခူး၊ မေ ၂၀

ပဲခူးတိုင်းဒေသကြီး၊ ဒိုက်ဦးမြို့နယ်၊ ဗျက်ကလေးကျေးရွာ၌ အခြေခံမော်တာစက်ချုပ်သင် တန်းဖွင့်ပွဲအခမ်းအနားကို ယနေ့ နံနက် ၉ နာရီတွင် အဆိုပါကျေးရွာ၌ ကျင်းပပြုလုပ်ရာ ပဲခူး တိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာနမှ တိုင်းဒေသကြီးဦးစီးမှူးက သင်တန်း ဖွင့်အမှာစကားပြောကြားသည်။

ယခုဖွင့်လှစ်သော သင်တန်းတွင် ပစ္စည်းများကိုင်တွယ်အသုံးပြုပုံနှင့် ချုပ်ရိုးများချုပ်နည်း၊ စက်နင်းလေ့ကျင့်ခြင်း၊ အပ်မပါစက်ချုပ်ခြင်း၊ မှိုင်းခံစက္ကူဖြင့် အပ်ပါစက်ချုပ်ခြင်း၊ မှိုင်းခံစက္ကူဖြင့် အပ်ပါမျဉ်းဖြောင့်၊ ဒေါင်လိုက်မျဉ်းဖြောင့်၊ လေးဒေါင်းမျဉ်း၊ အကွေ့/အကောက်မျဉ်း၊ အဝိုင်းမျဉ်းများ ပေါ်တွင် စက်ချုပ်ခြင်း၊ ပိတ်စဖြင့် အပ်ပါစက်ချုပ်ခြင်း၊ အပ်ပါမျဉ်းဖြောင့်၊ ဒေါင်လိုက်မျဉ်းဖြောင့်၊ လေးဒေါင်းမျဉ်း၊ အကွေ့/အကောက်မျဉ်း၊ အဝိုင်းမျဉ်းများပေါ်တွင်စက်ချုပ်ခြင်းစသည့် အခြေခံ ဘာသာရပ်များကို စာတွေ့လက်တွေ့ သင်ကြားပို့ချပေးသွားမည်ဖြစ်ပြီး အဆိုပါ သင်တန်းကို မေလ ၂၀ ရက်နေ့မှ ၂၉ ရက်နေ့အထိ (၁၀)ရက်ကြာ ဖွင့်လှစ်သွားမည်ဖြစ်ကြောင်း သိရသည်။

အခမ်းအနားသို့ တိုင်းဒေသကြီးဦးစီးမှူး၊ ကျေးရွာအုပ်ချုပ်ရေးမှူး၊ ရပ်မိရပ်ဖများ၊ သင်တန်း နည်းပြနှင့် သင်တန်းသူ(၂၀)ဦးတို့ တက်ရောက်ကြကြောင်း သတင်းရရှိသည်။