24 May,2022

ဧရာဝတီတိုင်းဒေသကြီး၊ ပန်းတနော်မြို့နယ်အတွင်းရှိ စန်းသီတာ၊ ပန်းဧရာနှင့် မြန်မာရွှေ စက်မှုလက်မှုကုန်ထုတ်သမဝါယမအသင်းလီမိတက်များက ဖျာများထုတ်လုပ်ရာတွင် လိုအပ်သော ကုန်ကြမ်းကို ပန်းတနော်မြို့နယ်အတွင်းရှိ ကျေးရွာများမှ ဝယ်ယူ၍ သင်ဖျာရက်လုပ်ခြင်းလုပ်ငန်း အဆင့်ဆင့်ကို လုပ်ကိုင်ကြပြီး သင်ဖြူးဖျာများရက်လုပ်လျက်ရှိသည်။

ထိုအသင်းများအနေဖြင့်      ကုန်ကြမ်းသင်မများ ဝယ်ယူရောင်းချခြင်း နှင့် ကုန်ချောသင်ဖြူး ဖျာများ ထုတ်လုပ်ရောင်းချပေးလျက်ရှိသည့်အပြင် ထွက်ရှိလာသည့် သင်ဖြူးဖျာများကို ပစ္စည်းအရည် အသွေးကောင်းမွန်စေရန် အဓိကထားဆောင်ရွက်ပြီး ဖြန့်ဖြူးရောင်းချလျက်ရှိကြောင်း သိရသည်။