သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
( ဒ ) သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်၊ စစ်ကိုင်း) ဖွင့်လှစ် ဆောင်ရွက်နိုင်မှု
သမဝါယမနှင့် စီမံခန့်ခွဲမှုပညာတက္ကသိုလ် သန်လျင်နှင့် စစ်ကိုင်းတို့တွင် ၂၀၂၃-၂၀၂၄ ပညာသင်နှစ်နှင့် ၂၀၂၄-၂၀၂၅ ပညာသင်နှစ်၊ သင်တန်းနှစ်အသီးသီးအား ဖွင့်လှစ်သင်ကြားလျက်ရှိရာ သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်)၌ ကျောင်းသား/ ကျောင်းသူစုစုပေါင်း (၁၇၀၅) ဦးနှင့် သမဝါယမနှင့် စီမံခန့်ခွဲမှုပညာတက္ကသိုလ် (စစ်ကိုင်း)၌ ကျောင်းသား/ ကျောင်းသူ စုစုပေါင်း (၁၃၆၇)ဦး တက်ရောက် သင်ကြားလျက်ရှိပါသည်။
သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်)တွင် အလုပ်အကိုင်အခွင့်အလမ်းများ ဖန်တီးပေးရန်၊ လူ့စွမ်းအားအရင်းအမြစ် ဖွံ့ဖြိုးတိုးတက်စေရန်နှင့် ကျောင်းသား/သူများ ဥပဒေဆိုင်ရာ အသိပညာများတိုးပွားစေရန်တို့ကို ရည်ရွယ်၍ “Seminar on Intellectual Property Rights, Research and Universities” ကို ၁၈-၂-၂၀၂၅ ရက်တွင်လည်းကောင်း၊ “လူငယ်နှင့် ဘက်စုံဖွံ့ဖြိုး တိုးတက်ရေး အသိပညာပေးဟောပြောပွဲ” ကို ၂၀-၂-၂၀၂၅ ရက်တွင် လည်းကောင်း၊ “UCMT CAREER FAIR 2025” ကို ၂၅-၂-၂၀၂၅ ရက်တွင်လည်းကောင်း ကျင်းပပြုလုပ်ခဲ့ပါသည်။
သမဝါယမနှင့် စီမံခန့်ခွဲမှုပညာတက္ကသိုလ် (စစ်ကိုင်း)တွင် တက္ကသိုလ်တည်ထောင်သည့် (၁၃) ကြိမ်မြောက် သုတေသနစာတမ်းဖတ်ပွဲ အခမ်းအနားကို ၆-၂-၂၀၂၅ ရက်နေ့တွင် ကျင်းပပြုလုပ်ခဲ့ပြီး စာတမ်းရှင်(၁၃)ဦးမှ သုတေသနစာတမ်း (၁၃)စောင် ဖတ်ကြားခဲ့ပါသည်။