18 Sep,2026

ချောင်းဆုံ စက်တင်ဘာ ၁၇

         မွန်ပြည်နယ် ချောင်းဆုံမြို့နယ် ကညှော်ကျေးရွာ ကူးတို့ဆိပ်လမ်းပေါ်ရှိ အမှတ် (၃) သံကူကွန်ကရစ်တံတား တည်ဆောက်ခြင်းလုပ်ငန်းအား စက်တင်ဘာ ၁၅ ရက်က ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) မှ မွန်ပြည်နယ် တာဝန်ခံ အင်ဂျင်နီယာချုပ်(မြို့ပြ) နှင့် တာဝန်ရှိသူများက ကြည့်ရှုစစ်ဆေးသည်။

      အဆိုပါ တံတားကို ၂၀၂၆-၂၀၂၇ ဘဏ္ဍာရေးနှစ် ပြည်ထောင်စု ငွေလုံးငွေရင်းရန်ပုံငွေဖြင့် ဆောင်ရွက်လျက်ရှိပြီး အလျားပေ ၈၀၊ အနံ ပေ ၂၀ သံကူကွန်ကရစ်တံတားဖြစ်သည်။ တာဝန်ရှိသူများက ကြည့်ရှု စစ်ဆေးပြီး သတ်မှတ်စံချိန်စံညွှန်း၊ အရည်အသွေးနှင့် အတိုင်းအတာများ ပြည့်မီရေး၊ သတ်မှတ်ကာလအတွင်း အချိန်မီပြီးစီးရေးအတွက် အလေးထားဆောင်ရွက်ရန် ပြောကြားခဲ့ကြောင်း သိရသည်။

ကိုကျော်(ချောင်းဆုံ)