27 Feb,2025

ရေတာရှည် ဖေဖော်ဝါရီ ၂၇

ပဲခူးတိုင်းဒေသကြီး၊ ရေတာရှည်မြို့နယ်တွင် မြို့နယ်သမဝါယမအသင်းစု၏ ပံ့ပိုးမှုဖြင့်

တစ်ဧကလျှင် ကျပ်နှစ်သိန်းနှင့် ညီမျှသည့် မျိုးနှင့်သွင်းအားစုများကို အသုံးပြုကာ သမဝါယမ အသင်းသားများ၏ စိုက်ဧက ၁၅၀ တွင် ရေဆင်းစပ်မျိုး -၁ နှင့် ဆူရာကီရမ်မျိုးများဖြစ်သည့် ဆောင်းသီးနှံနေကြာများအား စိုက်ပျိုးထားရှိပါသည်။

ငါးကြီးကွေ့ကျေးရွာ၊ ငါးကြီးကွေ့စိုက်ပျိုးရေးနှင့် အထွေထွေလုပ်ငန်းသမဝါယမအသင်း မှ အသင်းသားတောင်သူ ဦးနိုင်နိုင်၏ စံပြစိုက်ခင်းတွင် မွေးမြူရေးနှင့် ကုသရေးဦးစီးဌာန အစီအစဉ် ဖြင့် ပျားပုံးများထားရှိပြီး ရုရှားသဘာဝရွက်ဖြန်းဆေးအသုံးပြုကာ စိုက်ပျိုးထားရှိမှုအခြေအနေ များကို ပဲခူးတိုင်းဒေသကြီးသမဝါယမဦးစီးဌာနမှ လက်ထောက်ညွှန်ကြားရေးမှူး ဦးသန်းထွဋ်နှင့် တာဝန်ရှိသူများ၊ မြို့နယ်သမဝါယမအသင်းစုမှ အမှုဆောင်များ ကွင်းဆင်းကြည့်ရှုခဲ့ကြောင်းသိရ သည်။

သမဝါယမဦးစီးဌာန