04 Mar,2025

တောင်ကြီး မတ် ၃

ရှမ်းပြည်နယ်အစိုးရအဖွဲ့မှကြီးမှူးကျင်းပသော (၆၃)နှစ်မြောက် တောင်သူလယ်သမား နေ့ကို ဂုဏ်ပြုသောအားဖြင့် တောင်သူနှီးနှောဖလှယ်ပွဲနှင့် စိုက်ပျိုးရေးထုတ်ကုန်ပြပွဲ အခမ်းအနားကို တောင်ကြီးမြို့၊ မြို့တော်ခန်းမတွင် ကျင်းပပြုလုပ်ခဲ့သည်။

အဆိုပါ ထုတ်ကုန်ပြပွဲတွင် သမဝါယမအသင်းထုတ်ကုန်များဖြစ်သည့် ရှမ်းပြည်နယ် တောင်ပိုင်း/အရှေ့ပိုင်းသမဝါယမအသင်းစုချုပ်မှ ဗေဒါသဘာဝမြေသြဇာ၊ ရပ်စောက်မြို့နယ် သမဝါယမအသင်းစု စွမ်းထက်သဘာဝမြေသြဇာ၊ ရပ်စောက်မြို့နယ်၊ နောင်မှိုင်းစိုက်ပျိုး ထုတ်လုပ်ရေးသမဝါယမအသင်းမှ ထုတ်လုပ်သည့် SR-456 ရွှေရင်အေးစပါးမျိုး၊ ရေဆင်း ၁၄ ပဲပုတ်မျိုးစေ့၊ ရပ်စောက်မြို့နယ်သမဝါယမအသင်းစု ရေဆင်း-၁ စပ်မျိုးနေကြာ၊ စိန်ရတာမျိုး စေ့ထုတ်သမဝါယမအသင်းမှ ထုတ်လုပ်သော ရေဆင်း-၁၅ ပဲပုတ်မျိုးစေ့၊ ဒေသမျိုး ပဲပုတ်စေ့၊ ရွာငံမြို့နယ်သမဝါယမအသင်းစုမှ ကော်ဖီနှင့် ဟိုပုံးမြို့Green Gold ကော်ဖီစိုက်ပျိုးထုတ်လုပ် ရေးသမဝါယမအသင်းမှ ကော်ဖီများ ခင်းကျင်းပြသခဲ့ကြောင်း သိရသည်။