05 Jun,2025

တောင်ကြီး ဇွန်  ၅

သမဝါယမလုပ်ငန်းများ ဖွံ့ဖြိုးတိုးတက်ရေးအတွက် သမဝါယမအသင်းများသို့ ကွင်းဆင်း ဆောင်ရွက်လျက်ရှိရာ ရှမ်းပြည်နယ်သမဝါယမဦးစီးဌာန ညွှန်ကြားရေးမှူး၊ ဦးကျော်မိုးတင့်နှင့် တာဝန်ရှိသူများသည် ရှမ်းပြည်နယ်တောင်ပိုင်း၊ တောင်ကြီးမြို့နယ် သမဝါယမဦးစီးဌာနရှိ ဝန်ထမ်းများနှင့် တွေ့ဆုံ၍ သမဝါယမအသင်းဥပဒေ၊ နည်းဥပဒေ၊ လုပ်ထုံး၊ လုပ်နည်း၊ အမိန့်ညွှန်ကြားချက်များနှင့် အညီ လုပ်ငန်းများဆောင်ရွက်ကြရန်မှာကြားခဲ့သည်။

ဆက်လက်ပြီး တောင်ကြီးမြို့နယ်ရှိ “ရွှေမြို့မ” ဝန်ဆောင်မှုနှင့် အထွေထွေရောင်းဝယ်ရေး သမဝါယမအသင်းလီမိတက်မှ ဖွင့်လှစ်ထားရှိသည့် တည်းခိုခန်းအားကြည့်ရှု့၍ လိုအပ်သည့်ငွေကြေး၊ အရင်းအနှီးများရရှိစေရေးအတွက် သက်ဆိုင်ရာမြို့နယ်သမဝါယမအသင်းစုနှင့် ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။