26 Jun,2025

"သနပ်ပင်မြို့နယ် ကသဲကုန်းကျေးရွာ၌ ကုန်ထုတ်လမ်းဆောင်ရွက်နိုင်ရေး ကွင်းဆင်းတိုင်းတာ"
      သနပ်ပင်၊ဇွန် ၂၆

ပဲခူးတိုင်းဒေသကြီး၊ပဲခူးခရိုင်၊သနပ်ပင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေပြည်သူများ၏ လူမှုစီးပွားဘဝဖွံ့ဖြိုးတိုးတက်စေရေး၊ကျေးလက်မြို့ပြကွာဟမှုကျဉ်းမြောင်းစေရေးအတွက် ကျေးလက်ဒေသများတွင် ကုန်ထုတ်လမ်းများဆောင်ရွက်နိုင်စေရန်ရည် ရွယ်၍ သနပ်ပင်မြို့နယ် ကသဲကုန်းကျေးရွာ၌ ကုန်ထုတ်လမ်းဖောက်လုပ်ခြင်း
နှင့် Pipe  Culvert (၃)စင်းတည်ဆောက်ခြင်း လုပ်ငန်းများဆောင်ရွက်နိုင်ရေးအတွက် ယနေ့ နံနက်ပိုင်းက တာဝန်ရှိသူများက ကွင်းဆင်းတိုင်းတာခဲ့ကြောင်း သိရသည်။
     ထိုသို့ ကွင်းဆင်းတိုင်းတာရာတွင် သနပ်ပင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးဒေါ်ကေသီထွန်းနှင့် အင်ဂျင်နီယာဝန်ထမ်းများက ကသဲကုန်းကျေးရွာကျေးလက်ကုန်ထုတ်လမ်းဖြစ်မြောက်ရေးအတွက်ကျေးရွာမှတာဝန်ရှိသူများနှင့်အတူလိုအပ်လျက်ရှိသော ကုန်ထုတ်လမ်း ၏လက်ရှိလမ်းအရှည်၊လမ်းအကျယ်၊မြေနေရာရရှိနိုင်မှုအခြေအနေနှင့်လမ်းအူကြောင်းအခြေအနေများကို စနစ်တကျ တိုင်းတာခဲ့ကြောင်း သိရသည်။

သနပ်ပင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၆- ၂၀၂၇ ဘဏ္ဍာနှစ်တွင်  ကသဲကျွန်း ကျေးရွာ၌ ကုန်ထုတ်လမ်းနှင့် PipeCulvert (၃)စင်းတည်ဆောက်နိုင်ရေးလျာထားတင်ပြဆောင်ရွက်သွားမည်ဖြစ်ကြောင်း၊ကုန်ထုတ်လမ်းနှင့်PipeCulvert (၃)စင်းဖောက်လုပ်ပေးသွားမည်ဆိုပါက အဆိုပါ ကျေးရွာရှိ အိမ်ခြေ ၆၁၁အိမ်၊လူဦးရေ ၁၀၆၈ ဦးတို့၏ လယ်ယာများမှ ထွက်ရှိလာမည့် လယ်ယာဧက ၃၆၀ဧကတို့၏ လယ်ယာထွက်ကုန်သီးနှံများ ရာသီမရွေး စျေးကွက်သို့ အချိန်မီတင်ပို့ရောင်းချနိုင်မည်ဖြစ်ကြောင်း ကျေးလက်နေပြည်သူများ လူမှု့စီးပွားဘဝ ယခင်ကထက်  ပိုမိုဖွံ့ဖြိုးတိုးတက်လာမည်ဖြစ်ကြောင်း သနပ်ပင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးဒေါ်ကေသီထွန်းက ပြောပြ၍သိရသည်။
                                                    နွဲ့ယဥ်