02 Jul,2025

မိုင်းဆတ် ဇူလိုင် ၁

      ရှမ်းပြည်နယ် (အရှေ့ပိုင်း) မိုင်းဆတ်မြို့နယ် ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ်တွင် ဝိန်းလိတ်ကျေးရွာသွားလမ်းပေါ်တွင် ကွန်ကရစ်တံတားတည်ဆောက်နိုင်ရေးအတွက် ကွင်းဆင်းတိုင်းတာခြင်းကို ယမန်နေ့ကပြုလုပ်ရာ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)၊ တံတားတည်ဆောက်ရေးအဖွဲ့ဒုတိယညွှန်ကြားရေး မှူး(မြို့ပြ) ဦးဝင်းမောင်ဆွေ၊ ခရိုင်ဦးစီးမှူး ဦးအေးလွင်နှင့် တာဝန်ရှိသူများက ကွင်းဆင်းကြည့်ရှုသည်။ ဝိန်းလိတ်ကျေးရွာသွား လမ်းပေါ်တွင် အဆိုပါတံတားကို အရှည်ပေ ၁၈၀ နှင့် အကျယ်ပေ ၂၀ ခန့် ကွန်ကရစ်တံတား တည်ဆောက်မည်ဖြစ်သည်။

    မိုင်းဆတ်မြို့နယ်အတွင်း အဆိုပါကွန်ကရစ်တံတား တည်ဆောက်ခြင်းလုပ်ငန်းကို ၂၀၂၅-၂၀၂၆ ဘဏ္ဍာနှစ်တွင် ပြည်နယ်ရန်ပုံငွေကျပ် ၁၅၀  ဒသမ ၁၉၅ သန်းဖြင့် ဆောင်ရွက်မည်ဖြစ်ပြီး ထိုတံတားကြောင့် ကျေးရွာ ၁၇ ရွာမှ အိမ်ခြေ ၅၀၀ ကျော်နှင့် လူဦးရေ ၂၆၀၅ ဦးတို့ကို အကျိုးပြုနိုင်တော့မည်ဖြစ်သည်။

ဇင်မာ