03 Jul,2025

မိုင်းတုံ ဇူလိုင် ၂

            ရှမ်းပြည်နယ် (အရှေ့ပိုင်း) မိုင်းတုံမြို့နယ် ကျေးလက်လမ်းဖွံ့ဖြိုးရေး ဦးစီးဌာနက ၂၀၂၅-၂၀၂၆ ဘဏ္ဍာနှစ်တွင် ပိန်းမုံ-ဝမ်ပုံလမ်း ကျောက်ချောလမ်းခင်းခြင်း လုပ်ငန်း ဆောင်ရွက်နိုင်ရေး ကွင်းဆင်းတိုင်းတာခြင်းကို ဇူလိုင် ၁ ရက်က တာဝန်ရှိသူများ ကွင်းဆင်းတိုင်းတာသည်။

            ထိုသို့ ကွင်းဆင်းတိုင်းတာရာတွင် မိုင်းဆတ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးအေးလွင်၊ မြို့နယ်ကျေးလက်လမ်းဖွံ့ဖြိုးရေးဦးစီးဌာန အငယ်တန်းအင်ဂျင်နီယာ- ၁ (မြို့ပြ) ဦးပြည့်ဖြိုးဟန်နှင့် အငယ်တန်းအင်ဂျင်နီယာ-၂(မြို့ပြ)ဦးရဲကို တို့နှင့်အတူ ပိန်းမုံ - ဝမ်ပုံလမ်း အရှည် ၄ ဖာလုံ၊ အကျယ် ၁၆ ပေ၊ ဒု ကိုးလက်မရှိ ကျောက်ချောလမ်းခင်းခြင်း လုပ်ငန်းဆောင်ရွက်ရန် အခြေအနေများကို ကြည့်ရှုစစ်ဆေးသည်။

            အဆိုပါ ကျောက်ချောလမ်းခင်းခြင်းလုပ်ငန်းကို ၂၀၂၅-၂၀၂၆ ဘဏ္ဍာနှစ်တွင် ပြည်ထောင်စုရန်ပုံငွေကျပ် ၁၂၁ ဒသမ ၅ သန်းဖြင့် ဆောင်ရွက်မည်ဖြစ်ကြောင်းသိရသည်။

ဇင်မာ