03 Jul,2025

မော်လမြိုင် ဇူလိုင်  ၃

၂၀၂၅ ခုနှစ်၊ ဇူလိုင်လ(၅)ရက်၊ စနေနေ့တွင် ကျရောက်မည့်(၁၀၃)ကြိမ်မြောက် အပြည်ပြည်ဆိုင်ရာသမဝါယမနေ့ကို ဂုဏ်ပြုကြိုဆိုသောအားဖြင့် စုပေါင်းသစ်ပင်စိုက်ပျိုးပွဲကို သမဝါယမစာရင်းရေးစာရင်းကိုင်သက်မွေးပညာသင်တန်းကျောင်း(မော်လမြိုင်)ရှိ သင်တန်း ကျောင်းဝင်းအတွင်း ကျင်းပပြုလုပ်ခဲ့သည်။

အဆိုပါ အခမ်းအနားတွင် သင်တန်းကျောင်းပရဝုဏ်အတွင်း စိမ်းလန်းစိုပြေစေ ရေးအတွက် ခရေ၊ မန်ဂျန်ရှား၊ အနမ်းပန်း၊ ကံ့ကော်၊ မဉ္ဇူသက အပင်အမျိုးအစားများကို စုပေါင်းစိုက်ပျိုးကြရာ သစ်ပင်စိုက်ပျိုးပွဲသို့ မွန်ပြည်နယ်သမဝါယမဦးစီးဌာနမှ ညွှန်ကြားရေးမှူး နှင့် ဝန်ထမ်းများ၊ သမဝါယမစာရင်းရေးစာရင်းကိုင်သက်မွေးပညာသင်တန်းကျောင်းမှ ကျောင်းအုပ်ကြီးနှင့် ဝန်ထမ်းများ၊ ဆရာ/ဆရာများ၊ ကျောင်းသား/သူများ စုပေါင်းစိုက်ပျိုးကြ ကြောင်း သိရသည်။