07 Jul,2025

မုဒုံ ဇူလိုင် ၅

              မွန်ပြည်နယ် မုဒုံမြို့နယ် ကျေးလက်လမ်းဖွံ့ဖြိုးရေးဦးစီးဌာနက ဆောင်ရွက်လျက်ရှိသည့် ကျေးရွာချင်းဆက်လမ်းများကို ပြည်နယ်တာဝန်ရှိသူများက ဇူလိုင် ၂ ရက်တွင် ကွင်းဆင်း စစ်ဆေးသည်။

            ထိုသို့ ကွင်းဆင်းစစ်ဆေးရာတွင် ၂၀၂၅-၂ဝ၂၆ ဘဏ္ဍာနှစ်တွင် ဆောင်ရွက်လျက်ရှိသည့် မုဒုံမြို့နယ် ကော့ပရံ- တံခွန်တိုင် ကျေးရွာချင်းဆက်လမ်း ကတ္တရာ လမ်းခင်းခြင်း လုပ်ငန်းဆောင်ရွက်နေမှုနှင့် ၂၀၂၅-၂၀၂၆ ဘဏ္ဍာနှစ် ပြည်နယ်ငွေလုံးငွေရင်း ရန်ပုံငွေဖြင့် ဆောင်ရွက်လျက်ရှိသည့် လုပ်ငန်းများကို ပြည်နယ်ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ)နှင့် တာဝန်ရှိသူများက သွားရောက်စစ်ဆေးပြီး လိုအပ်သည်များကို လမ်းညွှန်မှာကြားသည်။

            မုဒုံမြို့နယ် ကျေးလက်လမ်းဖွံ့ဖြိုးရေးဦးစီးဌာနအနေဖြင့် ၂၀၂၅-၂၀၂၆ ဘဏ္ဍာနှစ် ကျေးလက်နေပြည်သူများအတွက် လူမှုစီးပွားဘဝဖွံ့ဖြိုးတိုးတက်စေရန် ပြည်ထောင်စု ငွေလုံးငွေရင်း ရန်ပုံငွေဖြင့် ကတ္တရာလမ်း တစ်လမ်း၊ ပြည်နယ် ငွေလုံးငွေရင်း ရန်ပုံငွေဖြင့် ကတ္တရာလမ်းတစ်လမ်း၊ ကတ္တရာထပ်ပိုးလွှာခင်းခြင်း နှစ်လမ်းနှင့် ကွန်ကရစ်တံတား တစ်စင်း တို့ကို ဆောင်ရွက်လျက်ရှိကြောင်း သိရသည်။

ရာမည(ပြန်/ဆက်)