11 Jul,2025

ဆီဆိုင်၊ ဇူလိုင် ၁၁

           သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပအိုဝ်းကိုယ်ပိုင်အုပ်ချုပ်ခွင့်ရဒေသ အသေးစား စက်မှုလက်မှုလုပ်ငန်းဦးစီးဌာနအနေဖြင့် အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးစီမံကိန်း၊ လူငယ်များအလုပ်အကိုင်အခွင့်အလမ်း ဖန်တီးပေးနိုင် ရေးလုပ်ငန်းဖြင့် ဆောင်ရွက်သည့် မော်တော်ဆိုင်ကယ်ပြုပြင်ထိန်းသိမ်းနည်းပညာသင်တန်းဆင်းပွဲကို ယနေ့နံနက်ပိုင်းက ဆီဆိုင်မြို့၌ ကျင်းပသည်။အခမ်းအနားသို့ ပအိုဝ်းကိုယ်ပိုင်အုပ်ချုပ်ခွင့်ရဒေသ အသေးစားစက်မှုလက်မှုလုပ်ငန်း ဦးစီးဌာန ဦးစီးအရာရှိနှင့်ဝန်ထမ်းများ၊ သက်ဆိုင်ရာတာဝန်ရှိသူများ၊ စီမံကိန်းကော်မတီဝင်များ၊ သင်တန်းနည်းပြများနှင့် သင်တန်းသားများ တက်ရောက်ကြပါသည်။  ဦးစွာ  ပအိုဝ်းကိုယ်ပိုင်အုပ်ချုပ်ခွင့်ရဒေသ အသေးစားစက်မှုလက်မှုလုပ်ငန်းဦးစီးဌာန ဦးစီး အရာရှိ ဦးညီညီအောင်က သင်တန်းဆင်းအမှာစကားပြောကြားသည်။ ထို့နောက် စုပေါင်းမှတ်တမ်းတင် ဓာတ်ပုံရိုက်ကူး၍ အခမ်းအနားကို အောင်မြင်စွာ ကျင်းပခဲ့ပါသည်။

          ယခုဖွင့်လှစ်ခဲ့သော သင်တန်းတွင် သင်တန်းသား(၁၃)ဦးအား  မော်တော်ဆိုင်ကယ်ပြုပြင် ထိန်းသိမ်းနည်းပညာသင်တန်းကို ကိုယ်ပိုင်လုပ်ငန်းထူထောင်နိုင်သည်အထိ ဇွန်လ ၁၂ ရက်နေ့ မှ ဇူလိုင်လ ၁၁ ရက်နေ့ထိ  (၁)လကြာ စာတွေ့၊ လက်တွေ့ သင်ကြားပေးခဲ့ပြီး  ဆက်လက်၍ ဇူလိုင်လ ၂၉ ရက်နေ့မှ သြဂုတ်လ ၁၂ ရက် နေ့အထိ (၁၅)ရက်ကြာ မွမ်းမံသင်တန်းကို ဆက်လက်သင်ကြား ပေးသွားမည်ဖြစ်ရာ အမှန်တကယ်လုပ်ငန်းထူထောင်မည့် ထူးချွန်သင်တန်းသား(၅)ဦးအား သတ်မှတ် ချက်များနှင့်အညီ ရွေးချယ်ပြီး လုပ်ငန်းသုံးပစ္စည်းများ သုံးစွဲခွင့်ပေးသွားမည်ဖြစ်ကြောင်း သတင်းရရှိ ပါသည်။