14 Jul,2025

တိုက်ကြီး ဇူလိုင် ၁၃

    ရန်ကုန်တိုင်းဒေသကြီး တိုက်ကြီးမြို့နယ် ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ် တိုင်းဒေသကြီးအစိုးရအဖွဲ့ ရန်ပုံငွေဖြင့် ဆောင်ရွက်နေသည့် တိုက်ကြီးမွေးမြူရေဇုန် ဧက ၂၀၀၀ အနီး ခရိုင်ချင်းဆက်လမ်းအမှတ်(၁) ကွန်ကရစ်လမ်းခင်းခြင်းလုပ်ငန်းကို ယနေ့နံနက်ပိုင်းက ကျေးလက်လမ်းဖွံ့ဖြိုးရေးဦးစီးဌာန ရန်ကုန်တိုင်းဒေသကြီးတာဝန်ခံ အင်ဂျင်နီယာချုပ်နှင့် တာဝန်ရှိသူများက ကွင်းဆင်းစစ်ဆေးသည်။

    ခရိုင်ချင်းဆက်လမ်းအမှတ် (၁) လမ်းအရှည် ၁ မိုင် ၄ ဒသမ ၅ ဖာလုံ ကွန်ကရစ်ခင်းခြင်းလုပ်ငန်း ဆောင်ရွက်နေမှုအခြေအနေ၊ တိုက်ကြီး-ကြာအင်းလမ်း အရှည် ၈၇၇၅ ပေရှိ ကွန်ကရစ်ဘီးလမ်း အလယ်ဖြည့်ခင်းခြင်းနှင့် လမ်းဘေးနှစ်ဖက်လမ်းပခုံးပြုလုပ်ခြင်းလုပ်ငန်း ဆောင်ရွက်မည့်အခြေအနေများကို မြို့နယ်ကျေးလက်လမ်းဖွံ့ဖြိုးရေးဦးစီးဌာန ဦးစီးအရာရှိက ရှင်းလင်းပြသခဲ့ကြောင်း သိရသည်။

ဝတ်ရည်(ပြန်/ဆက်)