15 Jul,2025

လှည်းကူးမြို့နယ် သခွတ်ပင်ကျေးရွာ၌ မိုးရာသီသစ်ပင်စိုက်ပျိုးပွဲကျင်းပ

‎**********************************

‎လှည်းကူး     ဇူလိုင်      ၁၅

‎‎ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ် ကျေးလက်ဒေသဖွံ့ ဖြိုးတိုးတက်ရေး ဦးစီးဌာနက မြို့နယ်စီမံအုပ်ချုပ်ရေးအဖွဲ့၊ သစ်တောဦးစီးဌာနတို့နှင့်ပူးပေါင်း၍ မိုးရာသီသစ်ပင် စိုက်ပျိုးပွဲ အခမ်းအနားကို ဇူလိုင်လ ၁၄ ရက်နေ့က သခွတ်ပင်ကျေးရွာ၌ ကျင်းပပြုလုပ် ခဲ့ကြောင်း သိရသည်။

‎‎ရှေးဦးစွာ လှည်းကူးမြို့နယ် စီမံအုပ်ချုပ်ရေးအဖွဲ့ ဥက္ကဌ ဦးရဲထွန်းနောင် နှင့် တာဝန်ရှိသူများက ခရိုင်နှင့် မြို့နယ်အဆင့် ဌာနဆိုင်ရာများ၊ ဒေသခံပြည်များနှင့် သခွတ်ပင်ကျေးရွာအခြေခံပညာ အလယ်တန်းကျောင်းမှ ကျောင်းသားကျောင်းသူများထံသို့ မဟော်ဂနီပျိုးပင် တစ်ထောင်နှင့် မန်ဂျန်ရှား ပျိုးပင် တစ်ထောင်၊ စုစုပေါင်း ပျိုးပင် နှစ်ထောင်ကို ပေးအပ်ခဲ့ကြောင်း သိရသည်။

‎‎ထို့နောက် လှည်းကူးမြို့နယ် စီမံအုပ်ချုပ်ရေးအဖွဲ့ ဥက္ကဌ ဦးရဲထွန်းနောင်၊ လှည်ကူးခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးတင်အောင်သန်း နှင့်တာဝန်ရှိသူ များ၊ ခရိုင်နှင့် မြို့နယ်အဆင့် ဌာနဆိုင်ရာများ၊ ဒေသခံ ပြည်သူများနှင့် ကျောင်းသား ကျောင်းသူများက သခွတ်ပင်ကျေးရွာကုန်ထုတ်လမ်းဘေး ဝဲ၊ ယာ၌ မဟော်ဂနီနှင့် မန်ဂျန်ရှား ပျိုးပင် နှစ်ထောင် ကို စနစ်တကျ စိုက်ပျိုးခဲ့ကြောင်း သိရသည်။

‎‎အဆိုပါ မိုးရာသီသစ်ပင်စိုက်ပျိုးပွဲသို့ ခရိုင်နှင့် မြို့နယ်အဆင့် ဌာနဆိုင်ရာတာဝန်ရှိသူများ၊ ဒေသခံပြည်သူများနှင့် ကျောင်းသား ကျောင်းသူ စုစုပေါင်း ၁၅၀ ဦး တက်ရောက်ခဲ့ကြောင်း လှည်းကူးမြို့နယ် ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ သိရသည်။