18 Jul,2025

မော်လမြိုင် ဇူလိုင် ၁၈

မွန်ပြည်နယ်၊ မော်လမြိုင်မြို့နယ်၊ ကော့ခနိကျေးရွာရှိ အေးချမ်းအောင်လယ်ယာနှင့်အထွေထွေ စီးပွားရေးလုပ်ငန်းသမဝါယမအသင်းလီမီတက်မှ အသင်းသားများ စိုက်ပျိုးလျက်ရှိသော မိုးစပါးများ ပျိုးထောင်စိုက်ပျိုးမှုအခြေအနေအား ပြည်နယ်သမဝါယမဦးစီးဌာနမှ ဒုတိယညွှန်ကြားရေးမှူး၊ ဦးသန်းနိုင်နှင့်တာဝန်ရှိသူများက ကွင်းဆင်းကြည့်ရှုစစ်ဆေးခဲ့သည်။

အဆိုပါအသင်းမှ အသင်းသားတောင်သူများ၏ မိုးစပါးစိုက်ဧက(၃၇၅)ဧကတွင် ရွေတစ်ဆုပ် အထွက်တိုးမျိုးစပါးအား ပျိုးထောင်စနစ်ဖြင့် စိုက်ပျိုးလျက်ရှိပြီး တောင်သူများလိုအပ်သည့် သွင်းအားစု များအား နိုင်ငံ့စီးပွားမြှင့်တင်ရေးရန်ပုံငွေမှလည်းကောင်း၊ အသင်းပိုင်ငွေကြေးဖြင့်လည်းကောင်း ပံ့ပိုးဆောင်ရွက်ပေးလျက်ရှိကြောင်း သိရသည်။