၂၀၂၅ခုနှစ်၊ ဇူလိုင်လ(၂၅)ရက်၊ နံနက်(၉:၃၀)နာရီတွင် သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်) ၊ ဘက်စုံသုံးခန်းမ၌ တက္ကသိုလ်ကြက်ခြေနီအသင်းခွဲမှကြီးမှူး၍  မိမိတို့၏  မွန်မြတ်သောစိတ်စေတနာကိုအရင်းခံကာ ဘဝတစ်ခုရှင်သန်နိုင်ရေးအတွက် ကယ်တင်ပေးနိုင်ရန်နှင့်လူမှုအဖွဲ့အစည်းကို အကျိုးပြုနိုင်ရန်ရည်ရွယ်၍(၁၇)ကြိမ်မြောက် စုပေါင်းသွေးလှူဒါန်းပွဲအခမ်းအနားကို ကျင်းပပြုလုပ်ခဲ့ပါသည်။ စုပေါင်းသွေးလှူဒါန်းပွဲအခမ်းအနားသို့   သမဝါယမနှင့်စီမံခန့်ခွဲမှုပညာတက္ကသိုလ် (သန်လျင်)၊ တက္ကသိုလ်ကြက်ခြေနီအသင်းခွဲနာယက၊ ပါမောက္ခချုပ် ဒေါက်တာရီရီဝင်း ၊ ဒုတိယပါမောက္ခချုပ်(သင်ကြား)နှင့် သင်ကြားစီမံဌာနများမှ  ပါမောက္ခ(ဌာနမှူး)များ၊  သင်ကြားရေးဌာနများမှ  ဆရာ၊ ဆရာမများ၊ ကျောင်းသား၊ကျောင်းသူများနှင့် ဝန်ထမ်းများတက်ရောက်ခဲ့ကြပြီး   ရန်ကုန်ပြည်သူ့ဆေးရုံကြီး၊အမျိုးသားသွေးဌာနမှ ဒုတိယညွှန်ကြားရေးမှူး ဒေါက်တာသန္တာ၊ဆရာဝန်များ၊ သူနာပြုများနှင့်  ဆေးဘက်ဆိုင်ရာအဖွဲ့များက သွေးပုလင်းများ လက်ခံပေးခဲ့ကြပါသည်။ အဆိုပါအခမ်းအနားတွင်ဆရာ၊ဆရာမများ၊ကျောင်းသား/ကျောင်းသူများနှင့်ဝန်ထမ်းများစုစုပေါင်း (၂၁၀) ဦးတို့က သွေးပုလင်းပေါင်း (၁၂၁)ပုလင်းကို လှူဒါန်းကြပါသည်။ သမဝါယမနှင့်စီမံခန့်ခွဲမှု ပညာတက္ကသိုလ် (သန်လျင်)၊ တက္ကသိုလ်ကြက်ခြေနီအသင်းခွဲမှကြီးမှူး၍ ၂၀၀၅ ခုနှစ်မှစ၍ နှစ်စဉ် စုပေါင်းသွေးလှူဒါန်းပွဲကိုပြုလုပ်ခဲ့ရာ  စုစုပေါင်း (၁၇)ကြိမ်တွင် သွေးပုလင်းပေါင်း (၁၈၂၀) ပုလင်းကို လှူဒါန်းခဲ့ပြီး၊ သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)၊  သမဝါယမပညာဌာနမှ လက်ထောက်ကထိက၊ ဒေါ်အိအိဖြိုးကငွေကျပ်(၂၇၅၀၀၀/-)ကျပ်တန်ဖိုးရှိသော  Healthcare (First Aid Kit) တစ်အိတ်ကို တက္ကသိုလ်ကြက်ခြေနီအသင်းခွဲသို့ ပေးအပ်လှူဒါန်းခဲ့ပါသည်။