14 Aug,2025

သာယာဝတီ ဩဂုတ် ၁၃

            သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ပဲခူးတိုင်းဒေသကြီး တာဝန်ခံ အင်ဂျင်နီယာချုပ် ဦးထွန်းဝေသည် သာယာဝတီခရိုင်မှ လက်ထောက်ညွှန်ကြားရေးမှူး(မြို့ပြ) ဦးသန်းမြတ်စိုး၊ မင်းလှမြို့နယ်မှ ဦးစီးအရာရှိ(မြို့ပြ) ဒေါ်အေးသန္တာအောင်တို့နှင့်အတူ ယမန်နေ့က မင်းလှမြို့နယ်တွင် ၂၀၂၅-၂၀၂၆ ဘဏ္ဍာနှစ် ပြည်ထောင်စု ငွေလုံးငွေရင်း ရန်ပုံငွေဖြင့် ဆောင်ရွက်နေသည့် တော်ကမံ - ပျဉ်ထောင်တွင်းလမ်း ကျောက်ချောခင်းခြင်းလုပ်ငန်းဆောင်ရွက်နေမှုကို ကွင်းဆင်းစစ်ဆေးသည်။ ကွင်းဆင်းစစ်ဆေးစဉ် ကျောက်များ အရွယ်အစားမှန်ကန်ရေး၊ အရည်အသွေး ပြည့်မီရေးနှင့် QC စစ်ဆေးခြင်း လုပ်ငန်းများ စနစ်တကျစစ်ဆေးဆောင်ရွက်ရန် မှာကြားခဲ့ကြောင်း သိရ သည်။

ခရိုင်(ပြန်/ဆက်)