14 Aug,2025

မိတ္ထီလာ ဩဂုတ် ၁၃

           မန္တလေးတိုင်းဒေသကြီး မိတ္ထီလာမြို့နယ်တွင် ၂၀၂၅-၂၀၂၆ ဘဏ္ဍာနှစ် ကန်သာအေး- အောင်သာလမ်း ဌာနမှ စက်ယန္တရားများဖြင့် မြေသား တင်ဂျင်းခင်းခြင်း လုပ်ငန်းအား တာဝန်ရှိသူများက သြဂုတ် ၁၁ ရက်က ကွင်းဆင်းစစ်ဆေးသည်။

       မိတ္ထီလာခရိုင် ကျေးလက်လမ်းဖွံ့ဖြိုးရေးဦးစီးဌာနမှ လက်ထောက်ညွှန်ကြားရေးမှူး(မြို့ပြ)နှင့် မိတ္ထီလာမြို့နယ်ကျေးလက်လမ်းဖွံ့ဖြိုးရေးဦးစီးဌာနမှ ဦးစီးအရာရှိ(မြို့ပြ)တို့က ၂၀၂၅-၂၀၂၆ ဘဏ္ဍာနှစ်တွင် ပြည်ထောင်စုငွေလုံးငွေရင်း ရန်ပုံငွေ ၄၇ ဒသမ ၁၀၄ သန်းဖြင့် မိတ္ထီလာမြို့နယ် ကျေးလက်လမ်းဖွံ့ဖြိုးရေးဦးစီး ဌာနက တာဝန်ယူဆောင်ရွက်လျက်ရှိသည့် အရှည် ၁/၂မိုင်၊ အကျယ် ၁၈ ပေ၊ ဒု၂ပေ ၄ လက်မရှိ ကန်သာအေး-အောင်သာလမ်းအား ဌာနမှ စက်ယန္တရားများဖြင့် မြေသားတင်ဂျင်းခင်းခြင်းလုပ်ငန်း ဆောင်ရွက်နေမှုကို ကွင်းဆင်းကြည့်ရှုစစ်ဆေးပြီး လုပ်ငန်းများ သတ်မှတ်ကာလအတွင်း အရည်အသွေးပြည့်မီစွာ ဆောင်ရွက် နိုင်ရေး ပေါင်းစပ်ညှိနှိုင်း ဆောင်ရွက်ခဲ့ကြောင်း သိရသည်။

သိန်းမြင့်ကျော်(မိတ္ထီလာ)