16 Sep,2025

သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)တွင် ပါမောက္ခချုပ်၊ ဒုတိယပါမောက္ခချုပ်(စီမံ)၊ ဒုတိယပါမောက္ခချုပ်(သင်ကြား)၊ အဆောင်နာယကများ၊ မော်ကွန်းထိန်းနှင့် အဆောင်မှူးများသည် မြတ်လူမွန်အမျိုးသားဆောင်၊ အားကစားရုံ(ယာယီ ကျောင်းသားအိပ်ဆောင်)၊ မြမဉ္ဇူအမျိုးသမီးအဆောင်နှင့် မြစံပယ်အမျိုးသမီးဆောင်များသို့ (၁၂.၉.၂၀၂၅)ရက်နေ့ ညနေ(၅:၀၀) နာရီတွင် Hall Visit သွားရောက်ခဲ့ကြပါသည်။ 

ထို့နောက် ပါမောက္ခချုပ်မှ အဆောင်နေ ကျောင်းသား/သူများအား စာမေးပွဲကို ကောင်းမွန်စွာ ဖြေဆိုကြရန်၊ ကျန်းမာရေးဂရုစိုက်ကြရန်၊ ချစ်ချစ်ခင်ခင်နှင့်စည်းလုံးညီညွတ်စွာ နေထိုင်သွားကြရန်နှင့် အဆောင်စည်းကမ်းများကို လိုက်နာကြရန် အမှာစကားပြောကြားခဲ့ပြီး ပါမောက္ခချုပ်၊ ဒုတိယပါမောက္ခချုပ်(စီမံ)၊ ဒုတိယပါမောက္ခချုပ်(သင်ကြား)နှင့် အဆောင်နာယကများမှ အဆောင်နေကျောင်းသား၊ကျောင်းသူများကို စာမေးပွဲကာလအတွင်း အထောက်အကူဖြစ်စေရန်အတွက် အာဟာရစားသောက်ဖွယ်ရာများကို လက်ဆောင်ပေးအပ်ခဲ့ပါသည်။