16 Sep,2025

သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)တွင် (၁၅.၉.၂၀၂၅) ရက်နေ့ နံနက်ပိုင်း၌ ကွန်ပျူတာလက်တွေ့ စာမေးပွဲဖြေဆိုနေမှုနှင့် ရေးဖြေစာမေးပွဲ ဖြေဆိုနေမှု အခြေအနေများကို ပါမောက္ခချုပ် ဦးဆောင်၍ ဒုတိယပါမောက္ခချုပ်(သင်ကြား)၊ သင်ကြားရေးဌာနများမှ ပါမောက္ခ (ဌာနမှူး)များ၊ သင်တန်းရေးရာဌာနမှူးနှင့် မော်ကွန်းထိန်းများမှ လှည့်လည်ကြည့်ရှု စစ်ဆေးခဲ့ပါသည်။ 

၂၀၂၄-၂၀၂၅ ပညာသင်နှစ် ကွန်ပျူတာလက်တွေ့ စာမေးပွဲများနှင့် Theory ပိုင်း ရေးဖြေ စာမေးပွဲများကို (၁၅.၉.၂၀၂၅)ရက်နေ့မှ (၂၃.၉.၂၀၂၅) ရက်နေ့ထိ ကျင်းပပြုလုပ်သွားမည် ဖြစ်ပါသည်။ ၂၀၂၄-၂၀၂၅ ပညာသင်နှစ် ပထမနှစ်၊ ဒုတိယနှစ်၊ တတိယနှစ်၊ စတုတ္ထနှစ်၊ PGD၊ မဟာတန်း (ပထမနှစ်၊ ဒုတိယနှစ်)သင်တန်းအသီးသီး၏ စာမေးပွဲများတွင် ကျောင်းသား၊ ကျောင်းသူဦးရေ စုစုပေါင်း(၁၀၉၆)ဦး ဖြေဆိုလျက် ရှိပါသည်။
ပါမောက္ခချုပ်မှ ကွန်ပျူတာလက်တွေ့စာမေးပွဲများကို အဆင်ပြေချောမွေ့စွာ ဖြေဆိုစစ်ဆေးပြီးစီးနိုင်ရေးအတွက် လိုအပ်သည်များကို ပေါင်းစပ်ညှိနှိုင်း၍ စနစ်တကျ ဆောင်ရွက်သွားနိုင်ရန် တာဝန်ရှိသူများကို မှာကြားခဲ့ပါသည်။