19 Sep,2025

တနင်္သာရီ  စက်တင်ဘာ ၁၉

တနင်္သာရီတိုင်းဒေသကြီး၊ မြိတ်မြို့နယ်အတွင်းရှိ ၂၀၂၅-၂၀၂၆ ဘဏ္ဍာနှစ်၊ သမဝါယမကဏ္ဍမှ နိုင်ငံ့စီးပွားမြှင့်တင်ရေးရန်ပုံငွေဖြင့် အထွက်တိုးမျိုးနှင့် သွင်းအားစုများ ပံ့ပိုးဆောင်ရွက်ထားသည့် သမဝါယမအသင်း ၆ သင်းမှ အသင်းသားတောင်သူများ၏   မိုးစပါးသီးနှံစိုက်ပျိုးထားရှိမှုအခြေအနေ အား မြိတ်မြို့နယ်သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများက ကွင်းဆင်းစစ်ဆေး ခဲ့သည်။

ဆက်လက်၍ အသင်းသားတောင်သူများ၏ မိုးစပါးစိုက်ပျိုးသီးနှံ စိုက်ပျိုးထားရှိမှုအနက် ပသောင်းကျေးရွာအုပ်စု၊ တောင်ပုလဲကျေးရွာရှိ “တော်ဝင်” စိုက်/ထွေသမဝါယမအသင်းမှ တောင်သူ ဦးသန်းဖေလေး၊ ဒေါ်မွန်အေး၊ ဒေါ်ခင်ကြည်တို့၏ ( GW - 11 )၊ မှော်ဘီ(၃)စပါးမျိုးဖြင့် စိုက်ပျိုးထား သည့်စိုက်ခင်းအား ကြည့်ရှုစစ်ဆေးပြီး အသင်းသားတောင်သူများနှင့်တွေ့ဆုံကာ ပန်းတိုင်အထွက်နှုန်း ရရှိရေး၊ ပိုးမွှားအန္တရာယ်ကျရောက်မှုမရှိစေရေး ကြိုတင်သတိပြုရန်နှင့် လိုအပ်သည်များကို မှာကြား ခဲ့ကြောင်း သိရသည်။