23 Sep,2025

ဥတ္တရသီရိ စက်တင်ဘာလ ၂၂

ပြည်ထောင်စုနယ်မြေ၊ နေပြည်တော်သမဝါယမဦးစီးဌာန၊ ညွှန်ကြားရေးမှူး ဒေါ်ဆုယဉ်မြင့် နှင့် တာဝန်ရှိသူများသည် ဥတ္တရသီရိမြို့နယ်၊ ဝက်စုကျေးရွာ၊ ဝက်စုလယ်ယာစိုက်ပျိုးရေးနှင့် အထွေထွေစီးပွားရေးသမဝါယမအသင်းသား ဒေါ်မာလွင်၏ မိုးစပါးစိုက်ဧက(၃)ဧကတွင် ထိုင်းနှံ ကောက်မျိုးစပါးစိုက်ပျိုးထားရှိမှုနှင့် ကောက်ပင်ကြဲသည့်နေရာများတွင် ပြန်လည်စိုက်ပျိုးနေမှု များကိုလည်းကောင်း၊ မင်းကုန်းကျေးရွာ၊ မင်းကုန်းစိုက်ပျိုးထုတ်လုပ်ရေးသမဝါယမအသင်းသား ဦးအောင်မြင့်သန်း၏ အောင်နိုင်တိုး စပါးမျိုးစိုက်ခင်းတွင် အသီးအားတိုးဆေးများ ပက်ဖြန်းနေမှု များကိုလည်းကောင်း ကွင်းဆင်းကြည့်ရှုခဲ့သည်။

ကွင်းဆင်းကြည့်ရှုစဉ် နေပြည်တော်သမဝါယမဦးစီးဌာန၊ ညွှန်ကြားရေးမှူးက ယခုနှစ်မိုးစပါး စီမံကိန်းအကောင်အထည်ဖော်ဆောင်ရွက်ရာတွင် မိုးစပါးစိုက်ပျိုးဧကအားလုံး ပန်းတိုင်ရည်မှန်းချက် အထွက်နှုန်းပြည့်မီအောင် “မျိုး၊ မြေ၊ ရေ၊ နည်း” မှန်ကန်မှုရှိစေရေးအတွက် မြို့နယ်ဦးစီးဌာနမှ စဉ်ဆက်မပြတ် ကြီးကြပ်ဆောင်ရွက်ရန်လိုကြောင်း၊ အသင်းသားတောင်သူများမှလည်း မိမိတို့၏ စိုက်ခင်းများ ယခင်နှစ်များထက် စပါးအထွက်နှုန်း ပိုမိုကောင်းမွန်လာစေရန် ပူးပေါင်းဆောင်ရွက် ရန်လိုကြောင်း၊ အဖျက်ပိုးမွှားများအန္တရာယ်များမှ ကာကွယ်နိုင်စေရေးအတွက် ပေါင်းသတ်ဆေး၊ ပိုးသတ်ဆေးများနှင့် စပါးများအထွက်နှုန်းတိုးစေရန် အသီးအားတိုးဆေး၊ မြေဩဇာစသည့်များကို နည်းစနစ်မှန်ကန်စွာဖြင့် စံချိန်စံနှုန်းများအတိုင်း အသုံးပြုရန်လိုအပ်ကြောင်းနှင့် မြို့နယ်ဦးစီးဌာန အနေဖြင့် မိမိဒေသအတွင်းရှိ မိုးစပါးစိုက်ခင်းများအား စဉ်ဆက်မပြတ်ကွင်းဆင်းကြည့်ရှုပြီး လိုအပ် သည်များအား ပေါင်းစပ်ဆောင်ရွက်ပေးရန် မှာကြားခဲ့ကြောင်း သိရသည်။

အောင်မျိုးဝင်း(ဥတ္တရ)

နေပြည်တော်ကောင်စီနယ်မြေ