29 Sep,2025

ပွင့်ဖြူမြို့နယ် ပွင့်ဖြူ-ညောင်ပင်ရွာလမ်းပေါ်ရှိ တံတားချဉ်းကပ်လမ်း မြေထိန်းနံရံ(၄)စင်းတည်ဆောက်နေမှု စစ်ဆေး

************************************************************************

ပွင့်ဖြူ စက်တင်ဘာ ၂၉

မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်ကျေးလက်လမ်းဖွံ့ဖြိုးရေးဦးစီးဌာနက ပွင့်ဖြူ-ညောင်ပင်ရွာလမ်းပေါ်ရှိ တံတားချဉ်းကပ်လမ်း မြေထိန်းနံရံ(၄)စင်း တည်ဆောက်နေမှု အခြေအနေများကို စက်တင်ဘာလ (၂၇)ရက်နေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် မင်းဘူးခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ)၊ ပွင့်ဖြူမြို့နယ် ကျေးလက်လမ်းဖွံ့ဖြိုးရေးဦးစီးဌာန မြို့နယ် တာဝန်ခံအင်ဂျင်နီယာနှင့် ဝန်ထမ်းများက သက်ဆိုင်ရာတာဝန်ရှိသူများနှင့်အတူ ပွင့်ဖြူ-ညောင်ပင်ရွာလမ်းပေါ်ရှိ တံတားချဉ်းကပ်လမ်း မြေထိန်းနံရံ(၄)စင်း တည်ဆောက်နေမှု အခြေ အနေများကို ကြည့်ရှုစစ်ဆေးပြီး လုပ်ငန်းများသတ်မှတ်စံချိန်စံညွှန်းနှင့်အညီ အချိန်မီပြီးစီးရေး လိုအပ်သည်များ မှာကြားခဲ့သည်။

အဆိုပါ ပွင့်ဖြူ-ညောင်ပင်ရွာလမ်းပေါ်ရှိ ပေ ၄၀ တံတားချဉ်းကပ်လမ်းဘေးဝဲ/ယာတွင် အရှည်ပေ ၅၀ရှိ မြေထိန်းနံရံ(၄)စင်းတည်ဆောက်ခြင်းလုပ်ငန်းကို ၂၀၂၅-၂၀၂၆ ဘဏ္ဍာနှစ်၊ တိုင်းဒေသကြီး(ငွေလုံးငွေရင်း)ရန်ပုံငွေကျပ် ၁၂၁ ဒသမ ၉၂သန်းဖြင့် ဌာနမှ အင်ဂျင်နီယာများ စုဖွဲ့၍ ဇူလိုင် ပထမပတ်က စတင်ဆောင်ရွက်ခဲ့ရာ ယခုအခါ လုပ်ငန်းများ ၆၀ရာခိုင်နှုန်းပြီးစီးပြီ ဖြစ်ကြောင်း သိရသည်။

နော်လူး