29 Sep,2025

ဇေယျာသီရိ စက်တင်ဘာ ၂၇

       သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာနမှ ပြည်ထောင်စုနယ်မြေ နေပြည်တော် ဇေယျာသီရိမြို့နယ်အတွင်း ၂၀၂၅-၂၀၂၆ ဘဏ္ဍာနှစ်၌ ဆောင်ရွက်လျက်ရှိသည့် ကျေးလက်လမ်း၊ တံတားလုပ်ငန်းခွင်များသို့ ယနေ့ နံနက်ပိုင်းတွင် အင်ဂျင်နီယာချုပ်(မြို့ပြ) ဦးဆောင်၍ ဦးစီးအရာရှိ(မြို့ပြ) မွမ်းမံသင်တန်းသား သင်တန်းသူများက ကွင်းဆင်းလေ့လာကြည့်ရှုခဲ့သည်။

       ထိုသို့ ကွင်းဆင်းလေ့လာရာတွင် အင်ဂျင်နီယာချုပ်(မြို့ပြ) ဦးဇော်မိုးဦးက သင်တန်းသား သင်တန်းသူများအား လမ်းဒီဇိုင်းပုံထုတ်ခြင်းနှင့် မြေပြင်တွင် အကောင်အထည်ဖော်ဆောင်ရွက်ရာတွင် စံချိန်စံညွှန်းနှင့်အညီ စနစ်တကျဖြစ်စေရေး လက်တွေ့ သင်ကြားပို့ချခဲ့ကြောင်း သိရသည်။

ထွန်းလင်း(ဇေယျာမြေ)