Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်) (၂/၂၀၂၅)ကြိမ်မြောက် ဝန်ထမ်းဆန္ဒဖော်ထုတ်ပွဲ အခမ်းအနားကျင်းပပြုလုပ်

01 Oct,2025

ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်) (၂/၂၀၂၅)ကြိမ်မြောက် ဝန်ထမ်းဆန္ဒဖော်ထုတ်ပွဲ အခမ်းအနားကျင်းပပြုလုပ်

နေပြည်တော် စက်တင်ဘာလ ၃၀

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနက (၂/၂၀၂၅)ကြိမ်မြောက် ဝန်ထမ်းဆန္ဒဖော်ထုတ်ပွဲအခမ်းအနားကို စက်တင်ဘာလ ၃၀ ရက်နေ့ မွန်းလွဲပိုင်း ၃:၃၀နာရီအချိန်က နေပြည်တော်ရှိ ရုံးအမှတ်(၃၆-B) ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်) ဝန်ထမ်းစာရိပ်သာ၌ ကျင်းပပြုလုပ်ခဲ့သည်။

အခမ်းအနားတွင် ညွှန်ကြားရေးမှူးချုပ် ဦး‌သိန်းလွင်က အဖွင့်အမှာစကား ပြောကြားသည်။

ဆက်လက်၍ ညွှန်ကြားရေးမှူး(စီမံ)က (၁/၂၀၂၅)ကြိမ်မြောက် ဝန်ထမ်းဆန္ဒဖော်ထုတ်ပွဲ တင်ပြချက်များနှင့်ပတ်သက်၍ ဆောင်ရွက်ပြီးစီးမှုအား ဖတ်ကြားတင်ပြပါသည်။

ထို့နောက် ဒုတိယညွှန်ကြားရေးမှူးချုပ်များက ဝန်ထမ်းများအား လိုအပ်သည်များ ရှင်းလင်းမှာကြားပေးပါသည်။

ဆက်လက်၍ ဌာနခွဲများအလိုက် အများနှင့်သက်ဆိုင်ရာများကို ဆန္ဒဖော်ထုတ်ပေးခဲ့ကြပြီး ညွှန်ကြားရေးမှူးချုပ်မှ ဆောင်ရွက်ပေးနိုင်သည်များကို ပြန်လည်ဖြေကြားပေးခဲ့ပါသည်။

ယင်းနောက် ဦးစီးဌာနဝန်ထမ်းများသို့ ညွှန်ကြားရေးမှူးချုပ်မှ စားသုံးဆီနှင့် ထောက်ပံ့ငွေများ ချီးမြှင့်ပေးအပ်ခဲ့ပြီး ဝန်ထမ်းများ၏ကိုယ်စား ဝန်ထမ်း(၂)ဦးမှ လက်ခံရယူခဲ့ပါသည်။

အခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် ဝန်ထမ်းပေါင်း ၂၃၅ဦး တက်ရောက်ခဲ့ကြောင်း သိရသည်။