13 Oct,2025

ဖြူး အောက်တိုဘာ ၁၃

၂၀၂၅-၂၀၂၆ ဘဏ္ဍာနှစ် ဆောင်းဆီထွက်သီးနှံမြေပဲစိုက်ပျိုးမည့် သမဝါယမအသင်း(၆)သင်းမှ အသင်းသားတောင်သူ(၂၄)ဦး၏ စိုက်ဧက ၇၀၀ အတွက် အသင်းပိုင်အစီအစဉ်ဖြင့် တစ်ဧကလျှင် ငွေကျပ် ၃ သိန်းနှုန်းနှင့်ညီမျှသော မြေပဲမျိုးနှင့် သွင်းအားစုများပေးအပ်ပွဲကို ယမန်နေ့က ဖြူးမြို့နယ်၊ လူငယ့်အားမာန်စိုက်ပျိုးရေးနှင့်လုပ်ငန်းစုံသမဝါယမအသင်း ရုံးခန်းမ၌ ကျင်းပပြုလုပ်ခဲ့သည်။ 

ဆက်လက်၍ ဖြူးမြို့နယ်သမဝါယမဦးစီးဌာန၊ တာဝန်ရှိသူက ဆောင်းဆီထွက်သီးနှံ(မြေပဲ) စိုက်ပျိုးမှု ပန်းတိုင်အထွက်နှုန်းရရှိစေရေးအတွက် စနစ်တကျဆောင်ရွက်ရမည့် စိုက်ပျိုးရေးဆိုင်ရာ နည်းလမ်းများအား ဆွေးနွေးပြောကြားပြီး တာဝန်ရှိသူများက သမဝါယမအသင်းသားတောင်သူများ အတွက် မြေပဲနှင့်သွင်းအားစုများပေးအပ်ခဲ့ကြောင်း သိရသည်။