16 Oct,2025

ချောင်းဆုံ အောက်တိုဘာ ၁၅

       မွန်ပြည်နယ် ချောင်းဆုံမြို့နယ်ရှိ ကျေးလက်နေပြည်သူများ လမ်းပန်းဆက်သွယ်ရေးကောင်းမွန်၍ နေ့စဉ်လူမှုဘဝဖွံ့ဖြိုးတိုးတက်လာစေရန်အတွက် လမ်း၊ တံတားများ တည်ဆောက်ပေးလျက်ရှိရာ အောက်တိုဘာလ ၁၅ ရက်တွင် ကဒါကျေးရွာ၌ လမ်းချဲ့ခြင်းနှင့် ကတ္တရာထပ်ပိုးလွှာခင်းခြင်း လုပ်ငန်းဆောင်ရွက်နေမှုအား တာဝန်ရှိသူများက ကွင်းဆင်းစစ်ဆေးကြသည်။

      ထိုသို့စစ်ဆေးရာတွင် မွန်ပြည်နယ် ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး ဦးလှမျိုးဝင် ၊ မော်လမြိုင်ခရိုင် လက်ထောက်ညွှန်ကြားရေးမှူး ဒေါ်နေခြည်ဦးနှင့် တာဝန်ရှိသူများက ၂၀၂၅-၂၀၂၆ ဘဏ္ဍာနှစ်တွင် မော်လမြိုင်ခရိုင်အတွင်း ပြည်နယ်ဒေသဖွံ့ဖြိုးရေးရန်ပုံငွေဖြင့် ဆောင်ရွက်လျက်ရှိသော ကဒါကျေးရွာ ရပ်ကွက်(၁၀)နှင့်(၁၁)ကြား လမ်းချဲ့ခြင်းနှင့် ကတ္တရာထပ်ပိုးလွှာခင်းခြင်းလုပ်ငန်း ဆောင်ရွက်ပြီးစီးမှုအခြေအနေများနှင့် ဆက်လက်ဆောင်ရွက်နေမှုများအား ကြည့်ရှုစစ်ဆေးပြီး တာဝန်ရှိသူများအား လိုအပ်သည်များ မှာကြားကြောင်း သိရသည်။

မြို့နယ်(ပြန်/ဆက်)