17 Oct,2025

မိတ္ထီလာ အောက်တိုဘာ ၁၇

 မန္တလေးတိုင်းဒေသကြီး မိတ္ထီလာမြို့နယ်သက်တန့်ရောင်စီမံကိန်းရန်ပုံငွေဖြင့် ပန်းတော် ဆက်၊ စက်ပစ်တောင်နှင့် သဲကုန်းကျေးရွာတို့ရှိ အသင်းသားတောင်သူများ၏ နို့စားနွားမွေးမြူထားရှိမှု အခြေအနေအား သမဝါယမဦးစီးဌာန၊ ညွှန်ကြားရေးမှူးရုံးမှ ညွှန်ကြားရေးမှူး ဦမျိုးအောင်နှင့် အဖွဲ့သည် ကွင်းဆင်းကြည့်ရှုအားပေးခဲ့သည်။

 ထို့နောက် အသင်းသားတောင်သူများနှင့်တွေ့ဆုံပြီး သက်တန့်ရောင်စီမံကိန်း အကောင် အထည်ဖော်ရေး SOP နှင့် အညီဆောင်ရွက်ရန်၊ ၂ဝ၂၅ -၂ဝ၂၆ ဘဏ္ဍာရေးနှစ် ပြည်ထောင်စု ဘဏ္ဍာ ရန်ပုံငွေ ကျပ်သန်း ၁ဝဝ ဖြင့် ကျေးရွာကိုအခြေပြု၍ ချထားပေးခြင်းဖြစ်ကြောင်း၊ မိမိတို့မွေးမြူထား သည့် နွားများအားစနစ်တကျမွေးမြူဆောင်ရွက်သွားကြရန် ဆွေးနွေးမှာကြား သည်။ အဆိုပါ ကျေးရွာ မှ အသင်း(၃)သင်းရှိ အသင်းသား ၂၁ ဦးသည် ဖီရှန်နို့စားနွား မဒန်း ၂၅ ကောင်၊ ဇီးပါနွား ၂၅ ကောင် စုစုပေါင်း နို့စားနွား အကောင် ၅ဝ မွေးမြူထားကြောင်းသိရသည်။