21 Oct,2025

ဝါးခယ်မ အောက်တိုဘာ ၂၁

 ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်၊ ကြခတ်ကုန်းကျေးရွာအုပ်စု၊ မရမ်းချောင်ကျေးရွာ၊ တိုးပွားအောင်စိုက်ပျိုးရေးနှင့်အထွေထွေသမဝါယမအသင်းမှ လူမှုစီးပွားမြှင့်တင် ရေး(သက်တန့်‌‌ရောင်စီမံကိန်း)ဖြင့်ဆောင်ရွက်သော မိုးစပါးရိတ်သိမ်းပွဲကို အသင်းသားတောင်သူ ဒေါ်ရင်ရင်ဌေး၏ လယ်မြေ၌ ဆောင်ရွက်ခဲ့သည်။

 မိုးစပါးရိတ်သိမ်းပွဲသို့ သမဝါယမဦးစီးဌာန တိုင်းဒေသကြီးဦးစီးမှူး ဦးကျော်စိုးမင်းနှင့် တာဝန်ရှိသူများ၊ မြို့နယ်သမဝါယမဦးစီးဌာန ဦးစီးအရာရှိ ဒေါ်တူးတူးလွင်နှင့် ဝန်ထမ်းများ၊ တိုးပွားအောင်စိုက်ပျိုးရေးနှင့်အထွေထွေသမဝါယမအသင်းမှ အသင်းသားများနှင့်တောင်သူများ တက်ရောက်ခဲ့ကြသည်။

 အဆိုပါ အသင်းသားတောင်သူ ဒေါ်ရင်ရင်ဌေး၏ လယ်မြေ ၁၁ ဧက၌ 'အောင်နိုင်တိုး' မိုးစပါးရိတ်သိမ်းရာ တစ်ဧကလျှင် ပျမ်းမျှအထွက် တင်း(၁၃၀)နှုန်းနှင့် ဒေါ်မြအိမွန်၏ စိုက်ပျိုးဧက ၄ ဧကတွင် “အောင်နိုင်တိုး” မိုးစပါးရိတ်သိမ်းရာ တစ်ဧကလျှင် ပျမ်းမျှအထွက် တင်း(၁၃၅)တင်းနှုန်း ထွက်ရှိခဲ့ကြောင်း သိရသည်။

လွှမ်းသီဟ (ပြန်/ ဆက်)

ဧရာဝတီတိုင်းဒေသကြီး