27 Oct,2025

ညောင်ရွှေ အောက်တိုဘာ ၂၇

ရှမ်းပြည်နယ် ညောင်ရွှေမြို့နယ် အင်းလေးဒေသရှိ သမဝါယမအသင်းများမှ GW-11 အထွက်တိုးစပါး စံပြစိုက်ကွက်စိုက်ပျိုးထားသည့် မိုးစပါးစိုက်သမဝါယမအသင်းများ၏ စိုက်ခင်း များကို တာဝန်ရှိသူများက ကွင်းဆင်းအသိပညာပေးခြင်းကို ယမန်နေ့ နံနက်ပိုင်းက လွယ်မော ကျေးရွာ ရွှေမင်းသားစိုက်/ထွေအင်းစိုက်ခင်း၊  ကြည်းထက်ကျေးရွာ မြပုလဲလယ်/ထွေအသင်း စိုက်ခင်းနှင့်  သလဲဦးကျေးရွာ ရောင်နီဦးလယ်/ထွေသမဝါယမအသင်းမှ အသင်းသားတောင်သူ များ၏ စိုက်ဧကများ၌ ဆောင်ရွက်သည်။

ကွင်းဆင်းဆောင်ရွက်ခြင်းကို ညောင်ရွှေမြို့နယ်သမဝါယမဦးစီးဌာနမှ ဦးစီးအရာရှိ ဦးမျိုးမြင့်ထွန်းနှင့် ဝန်ထမ်းများ၊ မြို့နယ်သမဝါယမအသင်းစုမှ တာဝန်ရှိသူများ ဂရိတ်ဝေါကုမ္ပဏီမှ စိုက်ပျိုးရေးပညာရှင် ဒေါ်ရင်ရင်မာနှင့် တာဝန်ရှိသူများပူးပေါင်းဆောင်ရွက်ခဲ့ကြခြင်းဖြစ်ပြီး မိုင်ပျိုး ကျေးရွာအုပ်စု ကြည်းထက်ကျေးရွာ စာကြည့်တိုက်၌ မိုးစပါးစိုက်သမဝါယမအသင်းသား တောင်သူ များအား နွေးစပါး/မိုးစပါးစိုက်ပျိုးခြင်းနှင့် ဆီနေကြာစိုက်ပျိုးခြင်းနှင့်ပက်သက်၍ ဆောင်ရွက်သင့် သည့်နည်းလမ်းများအား အသိပညာပေးဆွေးနွေးခဲ့ပြီး တက်ရောက်လာသည့် အသင်းသား တောင်သူများ၏ မေးမြန်းချက်များကို  ဖြေကြားပေးခဲ့ကြောင်းသိရှိရသည်။

မြို့နယ်(ပြန်/ဆက်)

ရှမ်းပြည်နယ်