29 Oct,2025

မိုင်းယောင်း အောက်တိုဘာ ၂၈

        မိုင်းယောင်းမြို့နယ် ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ်တွင် ပြည်ထောင်စုငွေလုံးငွေရင်း ခွင့်ပြုရန်ပုံငွေကျပ် ၁၂၄ သန်းကျော်ဖြင့် ဝမ်ကောင်း-ဒွန်းကျိုင်း-ဝမ်ယွတ်‘ဝမ်တုံ ကျေးရွာချင်းဆက်လမ်း ကျောက်ချောလမ်းအဖြစ် အဆင့်မြှင့်တင်ခြင်းလုပ်ငန်းကို ဇူလိုင်လ တတိယအပတ်မှ စတင်အကောင်အ ထည်ဖော် ဆောင်ရွက်ရာ ယခုအခါ ရာနှုန်းပြည့်ဆောင်ရွက်ပြီးစီးပြီဖြစ်သည်။

      အဆိုပါ ကျေးရွာချင်းဆက်လမ်းကို အရှည် ပေ ၂၆၄၀၊ အကျယ် ၁၆ ပေ၊ အမြင့် ခြောက်လက်မဒု ကျောက်ချောလမ်းခင်းခြင်းလုပ်ငန်းကို ပြည်ထောင်စုငွေလုံးငွေရင်း ခွင့်ပြုရန်ပုံငွေကျပ် ၁၂၄ ဒသမ ၃၂၅ သန်း အသုံးပြုကာ ဆောင်ရွက်ခဲ့ခြင်းဖြစ်ပြီး ကျောက်ချောလမ်းအဖြစ် အဆင့်မြှင့်တင်ဆောင်ရွက်ပြီးစီးမှုကို ကျေးလက်လမ်းဖွံ့ဖြိုးရေးဦးစီးဌာန ဒုတိယညွှန်ကြားရေးမှူးချုပ် ဦးဝင်းကျော်မျိုး၊ ရှမ်းပြည်နယ်(အရှေ့ပိုင်း) ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးကျော် ဇေယျလင်းနှင့် တာဝန်ရှိသူများက ကြည့်ရှုစစ်ဆေးခဲ့ကြောင်း သိရသည်။

သန်းလွင်(မကွေး)