30 Oct,2025

လွိုင်လင် - အောက်တိုဘာ ၂၉

          ရှမ်းပြည်နယ်(တောင်ပိုင်း) လွိုင်လင်မြို့နယ် ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ် ခွင့်ပြုရန်ပုံငွေဖြင့် ဆောင်ရွက်နေသည့် ခဲလောင်း - ပန်ကျောင်း ကျေးရွာချင်းဆက် ကျောက်လမ်း ခင်းခြင်းလုပ်ငန်းသည် ၈၀ ရာခိုင်နှုန်း ပြီးစီးနေပြီဖြစ်သည်။

       အဆိုပါ ခဲလောင်း - ပန်ကျောင်း ကျေးရွာချင်းဆက် ကျောက်လမ်း ဆောင်ရွက်ပြီးစီးမှုကို ကျေးလက်လမ်းဖွံ့ဖြိုးရေးဦးစီးဌာန (ရုံးချုပ်) ဒုတိယညွှန်ကြားရေးမှူး ချုပ် ဦးရဲခေါင်ထွန်းနှင့် ခရိုင်လက်ထောက်ညွှန်ကြားရေးမှူး(မြို့ပြ) တို့က ယမန်နေ့နံနက်ပိုင်းတွင် လုပ်ငန်းခွင်သို့ ကွင်းဆင်းကြည့်ရှုစစ်ဆေးရာ တာဝန်ရှိသူများက ရှင်းလင်းပြသကြသည်။

          ခဲလောင်း - ပန်ကျောင်း ကျေးရွာချင်းဆက်လမ်းသည် ၁/၄ မိုင်၊ ၁၆ ပေ ၉ လက်မ ရှိကာ ၂၀၂၅-၂၀၂၆ ဘဏ္ဍာနှစ် ပြည်နယ်ငွေလုံးငွေရင်း ရန်ပုံငွေကျပ် ၁၄၇ ဒသမ ၉ သန်းဖြင့် ဆောင်ရွက်ကြောင်းနှင့် ယခုအခါ လုပ်ငန်း၏ ၈၀ ရာခိုင်နှုန်းပြီးစီးနေပြီဖြစ်ကြောင်း သိရသည်။

လွိုင်လင်မိုး