31 Oct,2025

သာယာဝတီ  အောက်တိုဘာ ၃၁

ပဲခူးတိုင်းဒေသကြီး၊ သာယာဝတီမြို့နယ်အတွင်းရှိ သမဝါယမကဏ္ဍမှ နိုင်ငံ့စီးပွားမြှင့်တင်ရေး ရန်ပုံငွေ(သက်တန့်ရောင်)စီမံကိန်းဖြင့်ဆောင်ရွက်သော သမဝါယမအသင်းသားတောင်သူ ဦးစောထွန်းထွန်းဦး၏ မိုးစပါးသီးနှံ အောင်နိုင်တိုးမျိုးစပါးရိတ်သိမ်းမှုအခြေအနေအား သာယာဝတီ ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီမှ တာဝန်ရှိသူများ၊ သာယာဝတီမြို့နယ်စီမံခန့်ခွဲရေးနှင့် အုပ်ချုပ်ရေးကော်မတီမှ တာဝန်ရှိသူများ၊ သာယာဝတီမြို့နယ်သမဝါယမဦးစီးဌာနမှ တာဝန်ရှိသူ များက ကွင်းဆင်းကြည့်ရှုစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် သာယာဝတီမြို့နယ်အတွင်း ၂၀၂၅-၂၀၂၆ ဘဏ္ဍာနှစ် သမဝါယမကဏ္ဍမှ နိုင်ငံ့စီးပွားမြှင့်တင်ရေးရန်ပုံငွေ(သက်တန့်ရောင်)စီမံကိန်းဖြင့် ဆောင်ရွက်ထား သည့် အသင်း(၁)သင်း၊ အသင်းသားတောင်သူ(၄၄)ဦး၏ မိုးစပါးသီးနှံစိုက်ပျိုးဧက ၂၀၀ အနက် ကျွန်းကုန်းအုပ်စု၊ ကျွန်းကုန်းကျေးရွာရှိ ကျွန်းကုန်းစိုက်ပျိုးရေးနှင့်အထွေထွေလုပ်ငန်းသမဝါယမ အသင်းမှ တောင်သူ ဦးစောထွန်းထွန်းဦး၏ အောင်နိုင်တိုး(YSR-1)စပါး ဧက ၁၀ ရိတ်သိမ်းခဲ့ရာ တစ်ဧကလျှင် စပါးတင်းအထွက်နှုန်း တင်း ၁၂၀ ထွက်ရှိခဲ့ကြောင်းနှင့် တာဝန်ရှိသူများက အခြားလိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။