10 Nov,2025

မန္တလေး နိုဝင်ဘာ ၈

            မန္တလေးတိုင်းဒေသကြီး အမရပူရမြို့နယ်၌ ၂၀၂၅-၂၀၂၆ ဘဏ္ဍာနှစ် တိုင်းဒေသကြီး(ငွေလုံးငွေရင်း) ရန်ပုံငွေဖြင့် ကျေးလက်လမ်းဖွံ့ဖြိုးရေးဦးစီးဌာနမှ ဆောင်ရွက်လျက်ရှိသော ရေဘုတ်- တောယား-ဘောဘုံ-ကင်းဘတ်လမ်း ကတ္တရာခင်းခြင်းလုပ်ငန်းအား ယမန်နေ့က ကွင်းဆင်းစစ်ဆေးသည်။

           အဆိုပါ လမ်းပိုင်းကတ္တရာခင်းနေမှုကို ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) ဒုတိယညွှန်ကြားရေးမှူးချုပ်(တည်ဆောက်ရေး) ဒေါက်တာထွန်းမြင့်အောင်နှင့် မန္တလေးတိုင်းဒေသကြီးကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးကျော်ဇေယျာဝင်းတို့က ကွင်းဆင်းစစ်ဆေးရာ အမရပူရမြို့နယ် ကျေးလက်လမ်းဖွံ့ဖြိုးရေးဦးစီးဌာန ဦးစီးအရာရှိ(မြို့ပြ) ဒေါ်နန်းခိုင်သဉ္ဇာက လုပ်ငန်းဆောင်ရွက်နေမှုအခြေအနေများကို ရှင်းလင်းတင်ပြသည်။ ရှင်းလင်းတင်ပြမှုအပေါ် ဒုတိယညွှန်ကြားရေးမှူးချုပ်(တည်ဆောက်ရေး)က  လမ်းပိုင်းအတွက် လိုအပ်သည်များကို မှာကြားခဲ့ကြောင်း သိရသည်။

စိုးသီဟ(အမရပူရ)