11 Nov,2025

နေပြည်တော် နိုဝင်ဘာ ၁၀

 ပြည်ထောင်စုနယ်မြေ၊ နေပြည်တော်သမဝါယမဦးစီးဌာန၊ ညွှန်ကြားရေးမှူးနှင့်အတူ တာဝန် ရှိသူများသည် ယမန်နေ့နံနက်ပိုင်းတွင် နိုင်ငံတော်ထောက်ပံ့ငွေ(သက်တန့်ရောင်စီမံကိန်း)ဖြင့် ပံ့ပိုးငွေ ရယူဆောင်ရွက်ခဲ့သည့် ပျဉ်းမနားမြို့နယ်သမဝါယမအသင်းစု(လီမိတက်)၏ သူဌေးကုန်း ကျေးရွာရှိ စိုက်ပျိုးရေးနှင့် မွေးမြူရေးခြံတွင် အောင်နိုင်တိုးမိုးစပါးစိုက်ဧက နှစ်ဆယ် ရိတ်သိမ်းမှုအား ကွင်းဆင်း ကြည့်ရှုခဲ့သည်။

 ကွင်းဆင်းကြည့်ရှုစဉ် ညွှန်ကြားရေးမှူး၊ ဒေါ်ဆုယဉ်မြင့်က စပါးများရောင်းချရာတွင် အလေးချိန် မှန်ကန်မှုရှိစေရေး၊ ဈေးကောင်းရရှိစေရေးတို့အတွက် သမဝါယမဦးစီးဌာနကြီးကြပ်မှု အောက်ရှိ ရွှေဇေယျာ ဆန်စက်နှင့်ချိတ်ဆက်ဆောင်ရွက်ပေးခဲ့သည်။ ထို့နောက် မြို့နယ်ဦးစီးဌာနနှင့် မြို့နယ်အသင်းစုဥက္ကဋ္ဌတို့မှ အသင်း၏ လုပ်ငန်းဆောင်ရွက်မှုအခြေအနေများ ဆွေးနွေးတင်ပြခဲ့မှု အပေါ် သမဝါယမအသင်းများ ရှင်သန်ဖွံ့ဖြိုးတိုးတက်ရေးအတွက် သမဝါယမအသင်းဥပဒေ၊ နည်း ဥပဒေများ၊ လုပ်ထုံးလုပ်နည်းများနှင့်အညီ အလေးထားလိုက်နာဆောင်ရွက်ရန်နှင့်အတူ အသင်းပူးပေါင်း ၍ ဆောင်ရွက်သွားရန် လမ်းညွှန်မှာကြားခဲ့ကြောင်း သိရသည်။